(ಭೂತರೂಪ flew ಉಚ್ಚಾರಣೆ ಹ್ಲೂ; ಭೂತಕೃದಂತ flown ಉಚ್ಚಾರಣೆ ಹ್ಲೋನ್‍)

1. ಹಾರಿಸು; ವಿಮಾನದ ಹಾರಾಟವನ್ನು ನಿರ್ದೇಶಿಸಿ, ನಿಯಂತ್ರಿಸು.
2. (ಪ್ರಯಾಣಿಕರು ಮೊದಲಾದವರನ್ನು) ವಿಮಾನದಲ್ಲಿ ಸಾಗಿಸು. ಒಯ್ಯು.
3. (ದೂರವನ್ನು, ಪ್ರದೇಶವನ್ನು ವಿಮಾನದಲ್ಲಿ ಯಾ ವಿಮಾನದಲ್ಲಿಯೋ ಎಂಬಂತೆ) ಕ್ರಮಿಸು; ಹಾರು; ಹಾಯ್ದುಹೋಗು.
4. (ಪಾರಿವಾಳ, ಡೇಗೆ, ಮೊದಲಾದವನ್ನು) ಹಾರಿಸು; ಹಾರಬಿಡು.
5. (ಬೇಲಿ ಮೊದಲಾದವುಗಳ ಮೇಲೆ) ಸ್ವಲ್ಪವೂ ಸೋಕದಂತೆ ನೆಗೆ; ಹಾರಿಕೊಂಡು ಹೋಗು.
6. (ಗಾಳಿಪಟವನ್ನು) ಹಾರಿಸು.
7. (ಬಾವುಟವನ್ನು) ಹಾರಿಸು; ಹಾರಾಡಿಸು; ಹಾರಾಡುವಂತೆ ಯಾ ಹಾರಾಡುತ್ತಿರುವಂತೆ ಮಾಡು.
8. (ನಿರ್ದೇಶಿತ ಸ್ಥಳವನ್ನು ಬಿಟ್ಟು) ಓಡಿಹೋಗು; ಬಿಟ್ಟೋಡು; ಪಲಾಯನಮಾಡು: must fly the country ದೇಶವನ್ನು ಬಿಟ್ಟೋಡಬೇಕು.

1. (ಹಕ್ಕಿ, ವಿಮಾನ, ಮೊದಲಾದವು) ಹಾರು; ಹಾರಿಹೋಗು.
2. (ಪಟ, ಬಾವುಟ) ಹಾರು; ಹಾರಾಡು.
3. ಹಾರು; ವಿಮಾನದಲ್ಲಿ ಯಾ ಆಕಾಶನೌಕೆಯಲ್ಲಿ ಯಾ ಅವುಗಳಲ್ಲಿಯೋ ಎಂಬಂತೆ ಗಾಳಿ ಯಾ ಆಕಾಶದಲ್ಲಿ ಹಾರು, ಚಲಿಸು, ಸಾಗು.
4. (ಹಕ್ಕಿಯನ್ನು ಅಟ್ಟಿಸಿಕೊಂಡು ಯಾ ಆಕ್ರಮಣ ಮಾಡಲು ಡೇಗೆ) ಮೇಲೇರು; ಮೇಲಕ್ಕೆ, ಎತ್ತರಕ್ಕೆ ಹಾರು.
5. (ವಾಯುಮಂಡಲದಲ್ಲಿ) ಬೇಗ ಮೇಲೇರು ಯಾ ಸಾಗು.
6. (ಬೇಲಿ ಮೊದಲಾದವುಗಳ ಆಚೆಗೆ ಯಾ ಮೇಲೆ ಸ್ವಲ್ಪವೂ ಸೋಕದೆ) ಹಾರು; ನೆಗೆ.
7. (ಬಾವುಟ, ಕೂದಲು, ಉಡುಪು, ಮೊದಲಾದವುಗಳ ವಿಷಯದಲ್ಲಿ) ಹಾರು; ಬೀಸು; ಬಡಿದಾಡು; ಹಾರಾಡು.
8. ವೇಗವಾಗಿ – ಸಾಗು, ಸಂಚರಿಸು, ಹಾರಿಹೋಗು; ರಭಸವಾಗಿ ಹೋಗು: time flies ಕಾಲ ಹಾರಿಹೋಗುತ್ತದೆ.
9. ಇದ್ದಕ್ಕಿದ್ದಂತೆ ವೇಗವಾಗಿ ಹಠಾತ್ತಾಗಿ, ಕ್ಷಿಪ್ರವಾಗಿ ಹೋಗು: he flew from the room ಇದ್ದಕ್ಕಿದ್ದಂತೆ ರೂಮಿನಿಂದ ಓಡಿಹೋದ. the door flew open ಬಾಗಿಲು ಹಠಾತ್ತನೆ ತೆರೆದುಕೊಂಡಿತು.
10. ಓಡು; ಹಾರು; ನೆಗೆ; ತ್ವರೆಯಿಂದ – ಚಲಿಸು, ಹೋಗು.
11. ಇದ್ದಕ್ಕಿದ್ದಂತೆ ಬಲವಂತವಾಗಿ ಯಾ ರಭಸವಾಗಿ – ಹಾರು, ಓಡು, ಹಾರುವಂತಾಗು, ಹಾರಿಹೋಗುವಂತಾಗು: make sparks fly ಕಿಡಿ ಹಾರಿಸು; ಕಿಡಿಗೆದರುವಂತೆ ಮಾಡು: send flying ರಭಸದಿಂದ ಓಡಿಸು, ಹಾರಿಹೋಗುವಂತೆ ಯಾ ಓಡಿಹೋಗುವಂತೆ ಮಾಡು.
12. ಓಡಿಹೋಗು; ಪಲಾಯನ ಮಾಡು; ಪರಾರಿಯಾಗು; ಕಾಲಿಗೆ ಬುದ್ಧಿ ಹೇಳು;
13. (ಆಡುಮಾತು) (ಆತುರಾತುರವಾಗಿ) ಹೋಗು; ಹೊರಡು.

1. as the $^1$crow flies.
2. fly a kite
   1. ದರದುಹುಂಡಿಯ ಮೂಲಕ ಹಣ ಎತ್ತು.
   2. ಗಾಳಿ ಹೇಗೆ ಬೀಸುತ್ತಿದೆಯೆಂಬುದನ್ನು ಪರೀಕ್ಷಿಸು; ಸಂದರ್ಭ ಹೇಗಿದೆಯೆಂದು ತಿಳಿದುಕೊ; ಜನರ ಇಂಗಿತ ಪರೀಕ್ಷೆ ಮಾಡು; ಜನಾಭಿಪ್ರಾಯ ತಿಳಿದುಕೊಳ್ಳಲು ಹೇಳಿಕೆ ನೀಡು ಯಾ ಕಾರ್ಯಕ್ರಮ ಕೈಗೊಳ್ಳು.
3. fly at (ದೈಹಿಕವಾಗಿ ಯಾ ಮಾತಿನ ಮೂಲಕ) ಮೇಲೆ ಬೀಳು; ಮೇಲೆರಗು; ಹಲ್ಲೆಮಾಡು, ಆಕ್ರಮಣ ನಡೆಸು.
4. fly at higher game ಮಹತ್ವಾಕಾಂಕ್ಷಿಯಾಗಿಸು; ಹಿರಿಯಾಸೆಗಳನ್ನಿಟ್ಟುಕೊಂಡಿರು; ಹೆಗ್ಗುರಿ ಹೊಂದಿರು.
5. fly high
   1. ಮುಗಿಲು ಮುಟ್ಟಲು ಹೋಗು; ಮಹತ್ವಾಕಾಂಕ್ಷಿಯಾಗಿರು; ಹೆಬ್ಬಯಕೆ ಹೊಂದಿರು.
   2. ಏಳಿಗೆ ಹೊಂದು; ಅಭಿವೃದ್ಧಿ ಹೊಂದು.
6. fly in ವಿಮಾನದಲ್ಲಿ – ಬರು, ಆಗಮಿಸು.
7. fly in the ¹face of.
8. fly into a passion ಕೋಪೋದ್ರಿಕ್ತನಾಗು; ಆವೇಶವೇರು.
9. fly into raptures ಆನಂದಪರವಶನಾಗು.
10. fly off the $^1$handle.
11. fly out
    1. ವಿಮಾನದಲ್ಲಿ – ಹೋಗು, ನಿರ್ಗಮಿಸು.
    2. ರೇಗಿಬೀಳು; ಉರಿದುಬೀಳು.
    3. ಬಯ್ಯು; ದುರ್ಭಾಷೆಯಾಡು.
    4. ರೇಗಿ ಹುಚ್ಚುಹುಚ್ಚಾಗಿ ವರ್ತಿಸು.
12. fly past (ವಿಮಾನಗಳ ವಿಷಯದಲ್ಲಿ) ಗೌರವ ಸೂಚಿಸಲು ವ್ಯಕ್ತಿ ಯಾ ಸ್ಥಳದ ಮೇಲೆ ಶಿಸ್ತಿನಿಂದ ಹಾರು, ಹಾರಾಡು.
13. fly the coop (ಅಮೆರಿಕನ್‍ ಪ್ರಯೋಗ) (ಆಡುಮಾತು) ಏಕಾಏಕಿ ಹೊರಟುಬಿಡು; ಇದ್ದಕ್ಕಿದ್ದಂತೆ ನಡೆದುಬಿಡು.
14. fly to arms ಆತುರದಿಂದ ಆಯುಧ ತೊಡು.
15. fly upon = ನುಡಿಗಟ್ಟು \((3)\).
16. glass etc. flies (ಗಾಜು ಮೊದಲಾದವುಗಳ ವಿಷಯದಲ್ಲಿ) ಚಿಕ್ಕಚಿಕ್ಕ ಚೂರಾಗುತ್ತದೆ; ಚೂರು ಚೂರಾಗಿ ಹೊಡೆಯುತ್ತದೆ.
17. go fly a kite (ಅಮೆರಿಕನ್‍ ಪ್ರಯೋಗ) (ಆಡುಮಾತು) ಹೊರಟುಹೋಗು; ಹೊರಕ್ಕೆ ನಡೆ; ನಿಕಲಾಯಿಸು.
18. high flown ಆಡಂಬರದ; ಉದ್ದಂಡ; ಪ್ರೌಢಿಮಾ ಪ್ರದರ್ಶನದ; ಬೊಜ್ಜುಮಾತಿನ.
19. let fly
    1. (ಕ್ಷಿಪಣಿ ಮೊದಲಾದವನ್ನು) ಹಾರಿಬಿಡು; ಹಾರಿಸು; ಉಡಾಯಿಸು; ಉಡಾವಣೆ ಮಾಡು.
    2. (ಗುಂಡು, ಬಾಣ, ಮೊದಲಾದವನ್ನು) ಹೊಡೆ: ಹಾರಿಸು; ಎಸೆ; ಬಿಡು.
    3. ನಿಷ್ಠುರವಾಗಿ ಮಾತನಾಡು; ಕಟುವಾಗಿ ಮಾತನಾಡು.
20. make the money fly ಹಣವನ್ನು ನೀರಿನಂತೆ ಚೆಲ್ಲು.
21. the bird is (or has) flown ಹಕ್ಕಿ ಹಾರಿಹೋಗಿದೆ; ಬೇಕಾದ ವ್ಯಕ್ತಿ ತಪ್ಪಿಸಿಕೊಂಡು, ನುಣುಚಿಕೊಂಡು ಹೋಗಿದ್ದಾನೆ.