1. ತಟ್ಟು ಮೊಳೆ; ಗುಬ್ಬಿಮೊಳೆ; ಚಪ್ಪಟೆ ತಲೆಯ ಚಿಕ್ಕ ಮೊಳೆ.
2. (ಅಮೆರಿಕನ್‍ ಪ್ರಯೋಗ) = drawing-pin.
3. = thumbtack.
4. = brass tacks.
5. ಟಾಕು ಹೊಲಿಗೆ; ದಾಟು ಹೊಲಿಗೆ; ಹೊಲಿಗೆಯಲ್ಲಿ ತಾತ್ಕಾಲಿಕವಾಗಿ ಹಾಕುವ ದಾಟು ಹೊಲಿಗೆಗಳು.
6. (ನೌಕಾಯಾನ)
   1. ಕೆಲವು ಹಾಯಿಗಳ ಮೂಲೆ (ಬಿಗಿಯುವ) ಹಗ್ಗ.
   2. ಹಾಯಿಯನ್ನು ಬಿಗಿಯುವ ಮೂಲೆ.
7. (ಹಾಯಿಗಳ ಸ್ಥಾನ ಮತ್ತು ಗಾಳಿಯ ದಿಕ್ಕನ್ನು ಅವಲಂಬಿಸಿರುವ) ಹಡಗಿನ ಚಲನೆಯ ದಿಕ್ಕು.
8. (ಹಡಗು ಚಲಿಸುವಾಗ ಪಕ್ಕ ಗಾಳಿ ಮೊದಲಾದವುಗಳ ಪ್ರಯೋಜನ ಪಡೆಯಲು, ಮುಖ್ಯವಾಗಿ ಎಡಕ್ಕೂ ಬಲಕ್ಕೂ ಪರ್ಯಾಯವಾಗಿ, ಮಾಡುವ ತಾತ್ಕಾಲಿಕ) ದಿಕ್ಕು ಬದಲಾವಣೆ.
9. ಧೋರಣೆ; ಮಾರ್ಗ; ಕಾರ್ಯ–ರೀತಿ, ವಿಧಾನ, ನೀತಿ: we must change our tack ನಾವು ನಮ್ಮ ಕಾರ್ಯರೀತಿಯನ್ನು ಬದಲಾಯಿಸಬೇಕು.
10. (ಬ್ರಿಟಿಷ್‍ ಪ್ರಯೋಗ) ಅನುಬಂಧ; ಪಾರ್ಲಿಮೆಂಟಿನಲ್ಲಿ ತರುವ ಮಸೂದೆಗೆ ಹೊಸದಾಗಿ ಸೇರಿಸುವ ಅಂಶ ಯಾ ಕಲಂ.
11. ವಾರ್ನಿಷ್‍ ಮೊದಲಾದವುಗಳ ಅಂಟು ಗುಣ ಯಾ ಸ್ಥಿತಿ.

1. port tack ಗಾಳಿ ಎಡಗಡೆ ಇದ್ದಾಗ ಹಡಗು ಚಲಿಸುವ ದಿಕ್ಕು.
2. starboard tack ಗಾಳಿ ಬಲಗಡೆ ಇದ್ದಾಗ ಹಡಗು ಚಲಿಸುವ ದಿಕ್ಕು.

1. (ಮಖಾನ, ಹೆಸರುಪಟ್ಟಿ, ಗುಡಾರ, ಮೊದಲಾದವುಗಳನ್ನು) ತಟ್ಟುಮೊಳೆಯಿಂದ–ಭದ್ರಪಡಿಸು, ಬಿಗಿ, ಕಚ್ಚಿಸು.
2. (ಬಟ್ಟೆಯ ತುಂಡು ಯಾ ಭಾಗಗಳನ್ನು) ಕೂಡಿಸಿ ಟಾಕು ಹಾಕು, ಉದ್ದ ಹೊಲಿಗೆಯಿಂದ ಸೇರಿಸು.
3. ಅನುಬಂಧಿಸು:
   1. ಜೊತೆಗೆ ಅನುಬಂಧವಾಗಿ ಸೇರಿಸು.
   2. (ಬ್ರಿಟಿಷ್‍ ಪ್ರಯೋಗ) ಮಸೂದೆ ಮೊದಲಾದವಕ್ಕೆ (ಹೊಸ ಕಲಂ) ಸೇರಿಸು.

1. 1. (ಗಾಳಿಯ ಕಡೆಗೆ ಹಡಗಿನ ಮೂತಿಯನ್ನು ತಿರುಗಿಸುವುದರಿಂದ) ಹಡಗಿನ ದಿಕ್ಕು ಬದಲಾಯಿಸು.
   2. (ಚುಕ್ಕಾಣಿಯನ್ನು ಗಾಳಿಮರೆಯ ಪಕ್ಕಕ್ಕೆ ತಿರುಗಿಸಿ ಯಾ ಹಾಯಿಗಳ ಸ್ಥಾನ ಬದಲಾಯಿಸಿ) ಪುನಃ ಪುನಃ ಹಡಗಿನ ದಿಕ್ಕನ್ನು ಬದಲಾಯಿಸು.
2. ದಾರಿ ಬದಲಾಯಿಸು; ವರ್ತನೆ, ರೀತಿನೀತಿಗಳನ್ನು ಬದಲಾಯಿಸು.

ಕುದುರೆಯ ಜೀನು, ಸವಾರಿಯ ಸಜ್ಜು, ಮೊದಲಾದವು.

1. ಆಹಾರ; ತಿನಿಸು.
2. (ಹೀನಾರ್ಥಕ ಪ್ರಯೋಗ) ಕೆಲಸಕ್ಕೆ ಬಾರದ್ದು; ಹಾಳು ಕಚಡ.