1. (ಸದೆಬಡಿಯಲ್ಪಟ್ಟು ದಿಕ್ಕಾಪಾಲಾಗಿ ಓಡುತ್ತಿರುವ ಸೇನೆ, ಪಡೆ ಮೊದಲಾದವನ್ನು)
   1. ಪುನರ್ವ್ಯೂಹಗೊಳಿಸು; ಮತ್ತೆ ಸೇರಿಸು, ಒಟ್ಟುಗೂಡಿಸು.
   2. ಹೋರಾಟ ಪುನರಾರಂಭಿಸುವಂತೆ ಮಾಡು.
2. (ಬೆಂಬಲಕ್ಕಾಗಿ ಯಾ ಒಟ್ಟುಗೂಡಿ ಪ್ರಯತ್ನಿಸುವುದಕ್ಕಾಗಿ, ಜನರನ್ನು) ಸೇರಿಸು; ಕಲೆಹಾಕು; ಒಟ್ಟುಗೂಡಿಸು; ಜಮಾಯಿಸು: rallied his party round (or behind) him ತನ್ನ ಪಕ್ಷವನ್ನು (ಸಂಘಟಿತ ಪ್ರಯತ್ನಕ್ಕಾಗಿ) ಅವನ ಸುತ್ತ (ಯಾ ಹಿಂದೆ) ಒಟ್ಟುಗೂಡಿಸಿದ.
3. 1. (ಸಂಕಲ್ಪಶಕ್ತಿಯಿಂದ ಧೈರ್ಯ ಮೊದಲಾದವನ್ನು) ಸಚೇತನಗೊಳಿಸು; ಪುನಶ್ಚೇತನಗೊಳಿಸು.
   2. (ಆತ್ಮಾರ್ಥಕ) ಚೇತರಿಸಿಕೊ; ಕುದುರಿಕೊ; ಸಚೇತನಗೊಳಿಸಿಕೊ; ನವಚೈತನ್ಯ ತಂದುಕೊ.
4. (ವ್ಯಕ್ತಿ ಯಾ ಪ್ರಾಣಿಯನ್ನು) ನವಚೈತನ್ಯ ಬರುವಂತೆ ಮಾಡು; ಹೊಸ ಹುರುಪು ಪಡೆಯುವಂತೆ ಮಾಡು.

1. (ಚದುರಿಹೋಗುತ್ತಿರುವ ಸೇನೆ, ಪಡೆ ಮೊದಲಾದವುಗಳ ವಿಷಯದಲ್ಲಿ)
   1. ಪುನರ್ವ್ಯೂಹಗೊಳ್ಳು; ಒಟ್ಟುಗೂಡು.
   2. ಹೋರಾಟ ಪುನರಾರಂಭಿಸು.
2. (ಹೀಗೆ) ಒಟ್ಟುಗೂಡು; ಜಮಾಯಿಸು; ಸೇರು: his party rallied to him ಅವನ ಪಕ್ಷವು ಅವನ ಹಿಂದೆ ಒಟ್ಟುಗೂಡಿತು.
3. (ಬಲಹೀನತೆ, ರೋಗ, ಭಯ ಮೊದಲಾದವುಗಳಿಂದ) ಕುದುರಿಕೊ; ಚೇತರಿಸಿಕೊ.
4. (ಷೇರು ಬೆಲೆಗಳು ಮೊದಲಾದವುಗಳ ವಿಷಯದಲ್ಲಿ) ಕುಸಿತದಿಂದ ಚೇತರಿಸಿಕೊ; ಪುನಶ್ಚೇತನ ಪಡೆ.

1. (ಓಡಿ ಹೋಗುತ್ತಿರುವ ಸೈನ್ಯಪಡೆಗಳ ವಿಷಯದಲ್ಲಿ)
   1. ಪುನಸ್ಸಂಘಟನೆ; ಮತ್ತೆ ಒಟ್ಟುಗೂಡುವಿಕೆ.
   2. ಹೋರಾಟದ ಪುನಾರಾರಂಭ.
2. (ಹೊಸ ಪ್ರಯತ್ನಕ್ಕಾಗಿ) ಒಟ್ಟುಗೂಡುವಿಕೆ; ಸಂಘಟನೆ; ಜಮಾವಣೆ.
3. (ನಿಶ್ಯಕ್ತಿ, ರೋಗ ಮೊದಲಾದವುಗಳಿಂದ) ಚೇತರಿಸಿಕೊಳ್ಳುವುದು; ಕುದುರಿಕೊಳ್ಳುವುದು.
4. ರ್ಯಾಲಿ; ಲಾನ್‍ ಟೆನಿಸ್‍ ಮೊದಲಾದ ಆಟಗಳಲ್ಲಿ (ಸ್ಕೋರ್‍ ಮಾಡುತ್ತಿರುವ ಪಾಯಿಂಟನ್ನು ನಿರ್ಣಯಿಸುವ ಮುನ್ನ) ಒಂದರ ಮೇಲೊಂದಾಗಿ ಹಿಂದಿರುಗಿಸಿದ ಚೆಂಡಿನ ಹೊಡೆತಗಳ ಶ್ರೇಣಿ.
5. ರ್ಯಾಲಿ:
   1. ಸಮಾನ ಮನಸ್ಕರ ಗುಂಪು; ಸಹಮನಸ್ಕ ಸಮೂಹ; ಸಮಾನ ಆಸಕ್ತಿಯ ವ್ಯಕ್ತಿಗಳ ಯಾ ಬೆಂಬಲಿಗರ ಸಭೆ.
   2. (ಸಾಮಾನ್ಯವಾಗಿ ಸಾರ್ವಜನಿಕ ರಸ್ತೆಗಳಲ್ಲಿ ನಡೆಯುವ) ಮೋಟಾರು ವಾಹನಗಳ ಓಟದ ಸ್ಪರ್ಧೆ.

(ವರ್ತಮಾನ ಪ್ರಥಮ ಪುರುಷ ಏಕವಚನ rallies, ಭೂತರೂಪ ಮತ್ತು ಭೂತಕೃದಂತ rallied). ಗೇಲಿಮಾಡು; ತಮಾಷೆಮಾಡು.