1. ಹೊರರೂಪ; ಬಾಹ್ಯಾಕೃತಿ; ಆಕಾರ; ಆಕೃತಿ.
2. (ಜ್ಯಾಮಿತಿ) (ತ್ರಿಕೋಣ, ವೃತ್ತ, ಮೊದಲಾದ) ಆಕೃತಿ; ರೇಖೆ ಯಾ ರೇಖೆಗಳಿಂದ ಆವೃತವಾದ ದ್ವಿತಲ ಯಾ ಸಮತಲ ಪ್ರದೇಶ, ಇಲ್ಲವೆ ತಲ ಯಾ ತಲಗಳಿಂದ ಆವೃತವಾದ (ಗೋಳ, ಶಂಕು, ಮೊದಲಾದ) ಘನಪ್ರದೇಶ.
3. ದೇಹಾಕೃತಿ; ಶರೀರದ ಆಕಾರ; ಮೈಕಟ್ಟು: he has a well-developed figure ಅವನಿಗೆ ಒಳ್ಳೆಯ ಮೈಕಟ್ಟು ಇದೆ.
4. ಮನುಷ್ಯಾಕೃತಿ; ಕಣ್ಣಿಗೆ ಕಾಣುವಂಥ ವ್ಯಕ್ತಿ: saw a figure leaning against the door ಬಾಗಿಲಿಗೆ ಒರಗಿದ ಒಂದು ಮನುಷ್ಯಾಕೃತಿಯನ್ನು ಕಂಡೆ.
5. (ನಾವು ಕಾಣುವಂಥ, ಮನಸ್ಸಿನಲ್ಲಿ ರೂಪಿಸಿಕೊಳ್ಳಬಲ್ಲ) ವ್ಯಕ್ತಿ: the most terrible figure in our history ನಮ್ಮ ಇತಿಹಾಸದಲ್ಲೇ ಅತ್ಯಂತ ಭಯಂಕರ ವ್ಯಕ್ತಿ.
6. ಭಾವ; ಚಿತ್ರ; ವ್ಯಕ್ತಿ ಯಾ ವಸ್ತು ಉಂಟುಮಾಡುವ ಪ್ರಭಾವ ಯಾ ನೀಡುವ ಚಿತ್ರ: she was a figure of distress ಅವಳು ವ್ಯಥೆಯ ಚಿತ್ರವಾಗಿದ್ದಳು; ಅವಳ ಚಹರೆ ಮತ್ತು ಭಾವ ವ್ಯಥೆಯನ್ನು ಸೂಚಿಸುತ್ತಿದ್ದವು.
7. ಬಿಂಬ; ಪ್ರತಿಬಿಂಬ; ಮರುಪಡಿ; ಪ್ರತಿಕೃತಿ.
8. ಚಿತ್ರಾಕೃತಿ; ಶಿಲ್ಪಾಕೃತಿ; ಚಿತ್ರ; ಪ್ರತಿಮೆ; ಶಿಲ್ಪ; ಮೂರ್ತಿ; ಚಿತ್ರದಲ್ಲಿ, ಶಿಲ್ಪದಲ್ಲಿ ರೂಪಿಸಿದ ಮನುಷ್ಯಾಕೃತಿ.
9. ಸಂಕೇತ; ಪ್ರತೀಕ: the dove is a figure of peace ಪಾರಿವಾಳ ಶಾಂತಿಯ ಸಂಕೇತವಾಗಿದೆ.
10. ಜಾತಿರೂಪ; ಪ್ರತಿರೂಪ; ಅಚ್ಚು; ಮಾದರಿ; ನಮೂನೆ.
11. ಉಪಮೆ.
12. ರೇಖಾಕೃತಿ; ನಿದರ್ಶಕ ಚಿತ್ರ; ವಿವರಣ ಚಿತ್ರ (ಪ್ಲೇಟ್‍ ಯಾ ಚಿತ್ರಪಟ ಅಲ್ಲದ್ದು).
13. ಜಾತಕ; ಕುಂಡಲಿ; ರೇಖಾಲಂಕಾರ; ಅಲಂಕಾರದ ರಚನೆ.
14. ನೃತ್ಯನಿರೂಪಣೆಯ ಚಲನೆ.
15. (ಸ್ಕೇಟಿಂಗ್‍ ಆಟದಲ್ಲಿ ಕೇಂದ್ರದಿಂದ) ಪ್ರಾರಂಭವಾಗಿ ಅಲ್ಲೇ ಕೊನೆಮುಟ್ಟುವ ಬಗೆಬಗೆಯ ಚಲನವಲನಗಳು.
16. ಅಂಕಿ; ಅಂಕ; ಮುಖ್ಯವಾಗಿ ಅರಬ್ಬಿ ಪದ್ಧತಿಯಲ್ಲಿ ಬಳಸುವ ಹತ್ತು ಅಂಕಿಗಳಲ್ಲಿ ಒಂದು: double figures ಒಂಬತ್ತರ ಮೇಲೆ ಮತ್ತು ನೂರರ ಕೆಳಗಿನ ಸಂಖ್ಯೆ. three figures 100 ರಿಂದ 999ರ ವರೆಗಿನ ಯಾವುದೇ ಸಂಖ್ಯೆ. four figures 1,000ದಿಂದ 9,999ರ ವರೆಗಿನ ಯಾವುದೇ ಸಂಖ್ಯೆ.
17. (ಬಹುವಚನದಲ್ಲಿ) ಗಣಿತದ ಲೆಕ್ಕಾಚಾರ.
18. (ರೂಪಕ, ಅತಿಶಯೋಕ್ತಿ, ಮೊದಲಾದ) ಅಲಂಕಾರ.
19. (ವ್ಯಾಕರಣ) ವಾಕ್ಯರಚನೆಯಲ್ಲಿ ಸಾಮಾನ್ಯ ನಿಯಮಗಳಿಗೆ ಅಪವಾದವಾದ ಪ್ರಯೋಗ, ಉದಾಹರಣೆಗೆ ಅಧ್ಯಾಹಾರ.
20. (ತರ್ಕಶಾಸ್ತ್ರ) ಮಧ್ಯಪದದ ಸ್ಥಾನವನ್ನವಲಂಬಿಸಿ ಬದಲಾಗುವ ‘ಸಿಲಜಿಸಂ’ ರೂಪಗಳಲ್ಲೊಂದು.
21. (ಸಂಗೀತ) ಅನೇಕ ಸ್ವರಗಳು ಅನುಕ್ರಮವಾಗಿ ಹತ್ತಿರ ಹತ್ತಿರದಲ್ಲೇ ಬರುವುದರಿಂದ ಒಂದೇ ಎಂಬ ಭಾವನೆಯನ್ನುಂಟುಮಾಡುವ ಸ್ವರಶ್ರೇಣಿ.
22. ಅಲಂಕಾರ; ರಾಗ ವಿಸ್ತರಣೆಗೆ ಅನುವಾಗುವ ಸಂಕ್ಷಿಪ್ತ ಸ್ವರ ಯಾ ತಾಳ, ಸೂತ್ರ.

public figure ಸಾರ್ವಜನಿಕ ವ್ಯಕ್ತಿ; ಪ್ರಸಿದ್ಧ ವ್ಯಕ್ತಿ; ಬಹುಜನರಿಗೆ ತಿಳಿದಿರುವ ವ್ಯಕ್ತಿ.

1. cut a poor figure ಎಲ್ಲರ ಕಣ್ಣಿಗೆ ನಿಕೃಷ್ಟವಾಗಿ ತೋರು; ಎಲ್ಲರಿಂದಲೂ ಅವಲಕ್ಷಣ ಅನಿಸಿಕೊ.
2. figure of fun ವಿಕಟಾಕೃತಿ; ವಿಕಟ ವ್ಯಕ್ತಿ; ಹಾಸ್ಯಾಸ್ಪದ ವ್ಯಕ್ತಿ.
3. make (or cut) a brilliant figure ಉಜ್ಜ್ವಲ ವ್ಯಕ್ತಿಯಾಗಿ ತೋರು; ಎಲ್ಲರ ಗಮನ ಸೆಳೆಯುವಂತಾಗು.
4. keep one’s figure ಮೈಯನ್ನು ದಪ್ಪವಾಗಿ ಬೆಳೆಸದಿರು; ದಪ್ಪವಾಗಿ ಬೆಳೆಯದಿರು.
5. person of figure ಗಣ್ಯ ವ್ಯಕ್ತಿ.

1. ರೇಖಿಸು; ಚಿತ್ರಿಸು; ರೂಪಿಸು.
2. ಮನಸ್ಸಿನಲ್ಲಿ – ಚಿತ್ರಿಸಿಕೊ, ಭಾವಿಸು: I figure it like this ಇದು ನನ್ನ – ಎಣಿಕೆ, ಊಹೆ, ಕಲ್ಪನೆ.
3. (ಯಾವುದೇ ಒಂದಕ್ಕೆ) ಲಕ್ಷಣ, ಸಂಕೇತ, ಭೂಷಣ – ಆಗಿರು: his personality figuring the council of the city ಅವನ ವ್ಯಕ್ತಿತ್ವ ನಗರಸಭೆಗೆ ಭೂಷಣವಾಗಿದ್ದು.
4. ಚಿತ್ತಾರಮಾಡು; ಚಿತ್ರರಚನೆಗಳಿಂದ ಅಲಂಕರಿಸು.
5. (ಸಂಗೀತ) ಅಲಂಕಾರಗಳಿಂದ ಸುಂದರಗೊಳಿಸು.
6. ಅಂಕಿಗಳಿಂದ ಗುರುತುಮಾಡು; ಅಂಕಿ ಹಾಕು.
7. ಲೆಕ್ಕಮಾಡು; ಲೆಕ್ಕಾಚಾರಹಾಕು.
8. ಬೆಲೆ ಗುರುತು ಮಾಡು; ಬೆಲೆ ನಮೂದಿಸು.
9. (ಅಮೆರಿಕನ್‍ ಪ್ರಯೋಗ) ತಿಳಿ; ಅರಿ; ಗ್ರಹಿಸು.
10. (ಅಮೆರಿಕನ್‍ ಪ್ರಯೋಗ) ದೃಢಪಡಿಸು; ಖಚಿತಪಡಿಸು; ಖಾತರಿಮಾಡು.

1. ಕಾಣು; ಕಾಣಿಸಿಕೊ; ತೋರು; ತೋರಿಸಿಕೊ; ಪ್ರಕಟವಾಗು.
2. ಸುವ್ಯಕ್ತವಾಗಿರು; ಎದ್ದುಕಾಣು; ಪ್ರಧಾನವಾಗಿ ಯಾ ಪ್ರಮುಖವಾಗಿ ಕಾಣಿಸು: his name figures prominently in my report ನನ್ನ ವರದಿಯಲ್ಲಿ ಅವನ ಹೆಸರು ಪ್ರಮುಖವಾಗಿ ಕಾಣಿಸಿಕೊಳ್ಳುತ್ತದೆ.
3. ಲೆಕ್ಕಾಚಾರಮಾಡು; ಲೆಕ್ಕಹಾಕು.
4. (ಅಮೆರಿಕನ್‍ ಪ್ರಯೋಗ, ಆಡುಮಾತು) ಯುಕ್ತಿಯುಕ್ತವಾಗಿರು; ಸಂಭವನೀಯವಾಗಿರು; ನಿರೀಕ್ಷಿತವಾಗಿರು; ನಿರೀಕ್ಷಣೆಗೆ ಅನುಸಾರವಾಗಿ ಯಾ ಅರ್ಥವಾಗುವಂತೆ ಇರು: that figures ಅದು ಯುಕ್ತಿಯುಕ್ತವಾಗಿದೆ; ನಿರೀಕ್ಷಿತವಾಗಿದೆ; ಅರ್ಥವಾಗುವಂತಿದೆ.

1. figured satin ಚಿತ್ತಾರದ ಸ್ಯಾಟಿನ್ನು; ಚಿತ್ರ ನೆಯ್ದ ಸ್ಯಾಟಿನ್‍ಬಟ್ಟೆ.
2. figure on (ಅಮೆರಿಕನ್‍ ಪ್ರಯೋಗ)
   1. ಪರಿಗಣಿಸು; ಲೆಕ್ಕಕ್ಕೆ ತೆಗೆದುಕೊ.
   2. ನಿರೀಕ್ಷಿಸು; ಎಣಿಸು; ನೆಚ್ಚಿಕೊ: we always figure on supplying more lenses in July and August than in all the rest of the year ಜುಲೈ ಮತ್ತು ಆಗಸ್ಟ್‍ ತಿಂಗಳುಗಳಲ್ಲಿ ನಾವು ಒದಗಿಸುವ ಮಸೂರಗಳ ಪ್ರಮಾಣ ಬಾಕಿ ಇಡೀ ವರ್ಷದ ಪ್ರಮಾಣಕ್ಕಿಂತ ಯಾವಾಗಲೂ ಹೆಚ್ಚಾಗಿರುತ್ತದೆ ಎಂದು ನಾವು ನಿರೀಕ್ಷಿಸುತ್ತೇವೆ.
3. figure out
   1. (ಅಮೆರಿಕನ್‍ ಪ್ರಯೋಗ) ಬೆಲೆ ಯಾ ಮೊತ್ತವನ್ನು ಸಂಖ್ಯೆಯಲ್ಲಿ ಹೇಳು: it figures out at Rs.45 ಅದರ ಒಟ್ಟು ಮೊತ್ತ 45 ರೂ. ಆಗುತ್ತದೆ.
   2. ಗಣಿತದಿಂದ ಯಾ ತರ್ಕದಿಂದ ಲೆಕ್ಕಹಾಕು; ಲೆಕ್ಕಚಾರಮಾಡು.
   3. (ಅಮೆರಿಕನ್‍ ಪ್ರಯೋಗ) ತಿಳಿದುಕೊ; ಗ್ರಹಿಸು.
4. figure up ಕೂಡು; ಮೊತ್ತ ಕಂಡು ಹಿಡಿ.