ನಾಮವಾಚಕ
ಸಾರ; ಸತ್ತ್ವ:
ಯಾವುದೇ ಪದಾರ್ಥಕ್ಕೆ ಲೀನಕಾರಿಯನ್ನು ಹಾಕಿ ದ್ರಾವಣವನ್ನು ತೆಗೆದು ಅದರಿಂದ ಲೀನಕಾರಿಯನ್ನು ಇಂಗಿಸಿದ ನಂತರ ಉಳಿಯುವ ಸಾಂದ್ರವಸ್ತು.
ಯಾವುದೇ ಪದಾರ್ಥದ ಸತ್ತ್ವಯುತ ಭಾಗವನ್ನು ಪ್ರತ್ಯೇಕಿಸಿ ತಯಾರಿಸಿದ ವಸ್ತು.
ಉದ್ಧೃತ ಭಾಗ; ಉದ್ಧರಣ; ಒಂದು ಗ್ರಂಥ ಮೊದಲಾದವುಗಳಿಂದ ಎತ್ತಿ ತೆಗೆದ ಭಾಗ, ಆರಿಸಿದ ಭಾಗ.
ಸಕರ್ಮಕ ಕ್ರಿಯಾಪದ
(ಒಂದು ಪುಸ್ತಕದಲ್ಲಿನ ವಿಷಯಭಾಗ ಮೊದಲಾದವನ್ನು) ಎತ್ತಿ ಬರೆ; ಪ್ರತಿಮಾಡು; ನಕಲು ಮಾಡು.
(ಪುಸ್ತಕ ಮೊದಲಾದವುಗಳಿಂದ ವಿಷಯಭಾಗವನ್ನು) ಎತ್ತಿತೆಗೆ; ಉದ್ಧರಿಸು; ಸಂಗ್ರಹ ಮಾಡು.
(ಹಲ್ಲು, ಯಾ ಗಟ್ಟಿಯಾಗಿ ಸೇರಿಕೊಂಡಿರುವ ಏನನ್ನಾದರೂ) ಬಲವಂತದಿಂದ ಕೀಳು, ಸೆಳೆ, ಕಿತ್ತುಹಾಕು.
(ಹಣ, ತಪ್ಪೊಪ್ಪಿಗೆ, ಮೊದಲಾದವನ್ನು) ಬಲವಂತದಿಂದ ಹೊರಡಿಸು; ಇಚ್ಛೆಗೆ ವಿರುದ್ಧವಾಗಿ ಸೆಳೆ.
(ಹೀರುವಿಕೆ, ಒತ್ತಡ, ಆಸವನ, ಮೊದಲಾದವುಗಳಿಂದ) ಆಹರಿಸು; ರಸ ತೆಗೆ; ಸಾರತೆಗೆ.
(ಯಾವುದೋ ಒಂದು ವಿಷಯದಿಂದ ಸಂತೋಷ, ಸಮಾಧಾನ, ಮೊದಲಾದವನ್ನು) ಪಡೆ: he extracted satisfaction from the success of his sons ತನ್ನ ಪುತ್ರರ ಯಶಸ್ಸಿನಿಂದ ಅವನು ತೃಪ್ತಿ ಪಡೆದನು.
(ಪ್ರಾಚೀನ ಪ್ರಯೋಗ) (ಯಾವುದೋ ಒಂದರಿಂದ ತತ್ತ್ವ ಮೊದಲಾದವನ್ನು) ನಿಗಮನಮಾಡು.
(ಗಣಿತ) ಆಹರಿಸು; (ಸಂಖ್ಯೆಯ) ಘಾತಮೂಲ ತೆಗೆ.