1. (ಕಟ್ಟಡದ)
   1. ಪ್ರವೇಶ ಮಂಟಪ; ಮುಖಮಂಟಪ; ದ್ವಾರಮಂಟಪ.
   2. ಮುಂಗೋಣೆ; ಮುಖ್ಯ ಕೋಣೆಯನ್ನು ಪ್ರವೇಶಿಸುವುದಕ್ಕೆ ಮೊದಲು ಇರುವ, ಕಾಯುವ ಕೋಣೆ.
   3. ಪ್ರವೇಶಾಂಗಣ; ಪಡಸಾಲೆ; ಮೊಗಸಾಲೆ.
   4. ನಡವೆ; ಮುಂಬಾಗಿಲಿನಿಂದ ಒಳಕ್ಕೆ ಕರೆದೊಯ್ಯುವ ಓಣಿ.
2. 1. ಸಭಾಕಕ್ಷೆ; ಸಾರ್ವಜನಿಕಾಂಗಣ; (ಬ್ರಿಟನ್ನಿನ ಹೌಸ್‍ ಆಹ್‍ ಕಾಮನ್ಸ್‍ ಸಭೆ ಮೊದಲಾದವುಗಳಲ್ಲಿ) ಹೊರಗಿನವರು ಶಾಸನಸಭೆಯ ಸದಸ್ಯರನ್ನು ಭೇಟಿಮಾಡಲು ಬಳಸುವ, ಸಾರ್ವಜನಿಕರಿಗೆ ಪ್ರವೇಶವಿರುವ, ದೊಡ್ಡ ಸಭಾಂಗಣ.
   2. ಮತಾಂಗಣ; ಶಾಸನಸಭಾ ಸದಸ್ಯರು ಓಟು ಮಾಡಲು ತೆರಳುವ ಎರಡು ಮೊಗಸಾಲೆಗಳಲ್ಲೊಂದು.
3. ಲಾಬಿ:
   1. ವಶೀಲಿ ಮಂದಿ; ವಶೀಲಿಗಾರರ – ಗುಂಪು, ತಂಡ: ನಿರ್ದಿಷ್ಟ ಹಿತಾಸಕ್ತರ ಪರವಾಗಿ ಶಾಸಕರ ಮೇಲೆ ಪ್ರಭಾವ ಬೀರಲು ಪ್ರಯತ್ನಿಸುವ ಗುಂಪು; the anti-abortion lobby ಗರ್ಭಪಾತ ವಿರೋಧಿ ತಂಡ. the anti-prohibition lobby ಪಾನ ನಿಷೇಧ ವಿರೋಧಿ ಗುಂಪು.
   2. ಶಾಸಕರ ಮೇಲೆ ಪ್ರಭಾವ ಬೀರಲು ಸಾರ್ವಜನಿಕ ವ್ಯಕ್ತಿಗಳ ಗುಂಪೊಂದರ ವ್ಯವಸ್ಥಿತ ಪ್ರಯತ್ನ: a lobby of MPs ಪಾರ್ಲಿಮೆಂಟ್‍ ಸದಸ್ಯರ ಲಾಬಿ.
4. (ಯುನೈಟೆಡ್‍ ಕಿಂಗ್ಡಮ್‍ನಲ್ಲಿ) ಮೂಲ ಸೂಚಿಸಲಾಗದಂತೆ ಸರ್ಕಾರದಿಂದ ಸುದ್ದಿ, ಸೂಚನೆ, ಸಲಹೆಗಳನ್ನು ಪಡೆಯುವ ಬಾತ್ಮಿದಾರರ, ಪತ್ರಿಕಾಕರ್ತರ, ಸುದ್ದಿಗಾರರ ತಂಡ: lobby correspondent ಲಾಬಿ ಬಾತ್ಮಿದಾರ.

1. division lobby = ¹lobby(2b).
2. the lobby = ¹lobby(4).

(ವರ್ತಮಾನ ಕಾಲ ಪ್ರಥಮ ಪುರುಷ ಏಕವಚನ lobbies, ಭೂತರೂಪ ಮತ್ತು ಭೂತಕೃದಂತ lobbied).

1. (ಪ್ರಭಾವಶಾಲಿ ವ್ಯಕ್ತಿಯ) ಬೆಂಬಲ ಕೋರು.
2. (ಸಾರ್ವಜನಿಕ ವಿಷಯದಲ್ಲಿ) (ಶಾಸಕರ ಮೇಲೆ) ವಶೀಲಿ, ಪ್ರಭಾವ ಬೀರು; ಶಾಸನಸಭಾ ಸದಸ್ಯರನ್ನು ಭೇಟಿ ಮಾಡಿ ಅವರ ಮೇಲೆ ಪ್ರಭಾವ ಬೀರು.
3. ವಶೀಲಿಯ ಯಾ ಮೊಗಸಾಲೆಯಲ್ಲಿ ಭೇಟಿಯ ಮೂಲಕ (ಮಸೂದೆ ಮೊದಲಾದವು) ಅಂಗೀಕೃತವಾಗುವಂತೆ ಮಾಡು.
4. (ಶಾಸನಸಭೆಯ ಸದಸ್ಯರ) ಓಟುಗಳನ್ನು – ಕೇಳು, ಕೋರು; ಓಟು ಬೇಟೆ ಮಾಡು.

ಶಾಸನ ಸಭೆಯ ಮೊಗಸಾಲೆಗೆ ಪದೇಪದೇ ಭೇಟಿಕೊಡು, ಹೋಗುತ್ತಿರು.