1. (ಹುಂಡಿ, ಬಂಡವಾಳ ಪತ್ರಗಳು, ಕಾಗದದ ಹಣ, ಸ್ಟಾಂಪುಗಳು, ಮೊದಲಾದವನ್ನು) ಹೊರಡಿಸುವುದು; ಪ್ರಚಾಲನ; ನೀಡಿಕೆ.
2. ಒಮ್ಮೆ ಹೊರಡಿಸಿದ ನಾಣ್ಯಗಳು, ಕಾಗದದ ಹಣ, ವೃತ್ತಪತ್ರಿಕೆಯ ಪ್ರತಿಗಳು, ಮೊದಲಾದವುಗಳ ಮೊತ್ತ, ಸಂಖ್ಯೆ.
3. (ಪುಸ್ತಕ) ಸಂಚಿಕೆ; ನಿರ್ದಿಷ್ಟ ಕಾಲಾವಧಿಯಲ್ಲಿ ವಿಶೇಷಾಂಶಗಳನ್ನೊಳಗೊಂಡು ಪ್ರಕಟವಾಗುವ ಆವೃತ್ತಿಯ ಭಾಗ (ಸಂಚಿಕೆ): May issue ಮೇ ಸಂಚಿಕೆ.
4. ಕೊಟ್ಟ ಯಾ ಹಂಚಿದ – ವಸ್ತು ಯಾ ಮೊತ್ತ: issue of rations ರೇಷನ್ನಿನ ನೀಡಿಕೆ ಯಾ ಹಂಚಿಕೆ.
5. ಹೊರಹೊರಡುವುದು; ಹೊರ ಹರಿತ; ಹೊರಸುರಿತ; ನಿರ್ಗಮನ; ಬಹಿರ್ಗಮನ; ನಿಸ್ಸರಣ; ನಿಷ್ಕ್ರಮಣ: the issue of water from a broken pipe ಒಡೆದ ಕೊಳವೆಯಿಂದ ನೀರಿನ ಸುರಿತ.
6. ಹೊರದಾರಿ; ನಿಷ್ಕ್ರಮ; ನಿರ್ಗಮ; ಹೊರಕ್ಕೆ ಹೋಗುವ ಮಾರ್ಗ: a labyrinth that had no issue ಹೊರಕ್ಕೆ ಹೋಗುವ ಮಾರ್ಗವಿಲ್ಲದ ಚಕ್ರಭೀಮನ ಕೋಟೆ.
7. (ನದಿ ಮೊದಲಾದವುಗಳ) ಉಗಮ ಸ್ಥಾನ; ಹೊರಬರುವ ಸ್ಥಳ.
8. (ನದಿ, ಅಂತರ್ದೇಶೀಯ ಸಮುದ್ರ, ಮೊದಲಾದವುಗಳ) ಮುಖ; ಹೊರಹರಿಯುವ, ಬೀಳುವ ಜಾಗ.
9. (ಕ್ರಿಯೆ ಮೊದಲಾದವುಗಳ) ಮುಗಿತ; ಮುಕ್ತಾಯ; ಸಮಾಪ್ತಿ; ಕೊನೆ; ಅಂತ್ಯ: negotiations were brought to an issue ಸಂಧಾನಗಳನ್ನು ಮುಕ್ತಾಯಕ್ಕೆ ತರಲಾಯಿತು.
10. ಫಲಿತಾಂಶ; ಪರಿಣಾಮ; ಫಲ: the issue of a contest ಸ್ಪರ್ಧೆಯ ಫಲಿತಾಂಶ.
11. (ನ್ಯಾಯಶಾಸ್ತ್ರ) ಮಕ್ಕಳು; ಸಂತಾನ; ಸಂತತಿ: without male issue ಗಂಡು ಸಂತಾನವಿಲ್ಲದೆ.
12. (ಪ್ರಾಚೀನ ಪ್ರಯೋಗ) (ರಕ್ತ ಮೊದಲಾದವುಗಳ) ಸ್ರಾವ; ಒಸರು; ಹರಿವು; ಸೋರಿಕೆ; ಸುರಿತ: an issue of blood from the nose ಮೂಗಿನಿಂದ ರಕ್ತಸ್ರಾವ.
13. (ರಕ್ತ ಮೊದಲಾದವನ್ನು) ಸ್ರವಿಸಲು ಮಾಡಿದ ಕಚ್ಚು, ಗಾಯ.
14. (ಮುಖ್ಯವಾಗಿ ನ್ಯಾಯಶಾಸ್ತ್ರ) (ಎರಡು ಪಕ್ಷಗಳ ನಡುವೆ ನಿರ್ಣಯಿಸಬೇಕಾದ) ವಿವಾದಾಂಶ; ವಾದವಿಷಯ.

1. at issue
   1. (ವ್ಯಕ್ತಿಗಳ ವಿಷಯದಲ್ಲಿ) ಭಿನ್ನಾಭಿಪ್ರಾಯವುಳ್ಳವರಾಗಿ; ಒಮ್ಮತವಿಲ್ಲದವರಾಗಿ: for years they remained at issue with each other ವರ್ಷಗಟ್ಟಲೆ ಅವರು ತಮ್ಮೊಳಗೆ ಭಿನ್ನಾಭಿಪ್ರಾಯವುಳ್ಳವರಾಗಿದ್ದರು.
   2. (ವಸ್ತುಗಳ ವಿಷಯದಲ್ಲಿ) ವಾದಗ್ರಸ್ತವಾದ; ವಿವಾದಾಸ್ಪದವಾದ; ಚರ್ಚೆಗೊಳಪಟ್ಟಿರುವ: the question at issue is whether the majority opinion is always right ಬಹುಮತಾಭಿಪ್ರಾಯ ಯಾವಾಗಲೂ ಸರಿಯೇ ಎಂಬ ಪ್ರಶ್ನೆ ವಿವಾದಾಸ್ಪದ.
2. force the issue ನಿರ್ಣಯವನ್ನು ಒತ್ತಾಯಿಸು; ತೀರ್ಮಾನ ತಲುಪುವಂತೆ ಬಲವಂತ ಮಾಡು.
3. in the issue ಹಾಗಾದಾಗ; ಸಂದರ್ಭ ಒದಗಿದಂತೆ; ಪರಿಸ್ಥಿತಿ ಹಾಗಾದಾಗ.
4. issue of fact ವಾಸ್ತವ ಸಂಗತಿಯನ್ನು ಕುರಿತ ವಿವಾದಾಂಶ.
5. issue of law ಕಾನೂನನ್ನು ಕುರಿತ ವಿವಾದಾಂಶ.
6. join issue
   1. (ವಿವಾದಾಂಶವೆಂದು ಒಪ್ಪಿದ ವಿಷಯದ ಮೇಲೆ, ಇನ್ನೊಬ್ಬರೊಡನೆ) ವಾದಕ್ಕೆ – ಇಳಿ, ತೊಡಗು, ಆರಂಭಿಸು: we shall be ready to join issue with them on this very point ನಾವು ಅವರೊಡನೆ ಈ ಅಂಶದ ಮೇಲೆಯೇ ವಾದ ಮಾಡಲು ಸಿದ್ಧ.
   2. (ನ್ಯಾಯಶಾಸ್ತ್ರ) ವಿವಾದಾಂಶವನ್ನು ತೀರ್ಪಿಗೆ ಒಟ್ಟಾಗಿ ಒಪ್ಪಿಸು.
   3. (ನ್ಯಾಯಶಾಸ್ತ್ರ) (ಒಂದು ಪಕ್ಷ) ಮತ್ತೊಂದು ಪಕ್ಷ ಒಪ್ಪಿಸಿದ ವಾದಾಂಶವನ್ನು ಅಂಗೀಕರಿಸು.
7. make an issue of ದೊಡ್ಡ ರಂಪ ಮಾಡು; ರಾದ್ಧಾಂತ ಮಾಡು; ವಾದವಿಷಯವಾಗಿ ಮಾಡು.
8. take issue = ಪದಗುಚ್ಛ \((6)\).

ಸಕರ್ಮಕ ಕ್ರಿಯಾಪದ

1. 1. ಹೊರಕಳುಹು: expeditions annually issued by his orders ಅವನ ಆಜ್ಞೆಯ ಮೇಲೆ ಪ್ರತಿವರ್ಷ ಕಳುಹಿಸಿದ ದಂಡಯಾತ್ರೆಗಳು.
   2. (ಮುಖ್ಯವಾಗಿ ಸರ್ಕಾರದಿಂದ ಯಾ ಅಧಿಕೃತವಾಗಿ) ಕೊಡು; ನೀಡು; ಒದಗಿಸು: issued passports to them ಅವರಿಗೆ ಪಾಸ್‍ಪೋರ್ಟುಗಳನ್ನು ಅಧಿಕೃತವಾಗಿ ನೀಡಿದರು. issued orders to the staff ಸಿಬ್ಬಂದಿಗೆ ಆದೇಶ ನೀಡಿದರು. issue the book for a week ಒಂದು ವಾರದ ಮಟ್ಟಿಗೆ ಪುಸ್ತಕ ಒದಗಿಸು.
2. (ಕಾಗದದ ಹಣ, ವೃತ್ತ ಪತ್ರಿಕೆಗಳನ್ನು) ಪ್ರಕಟಿಸು; ಚಲಾವಣೆಗೆ ತರು; ಚಲಾವಣೆ ಮಾಡು: issue a new coin ಹೊಸ ನಾಣ್ಯವನ್ನು ಚಲಾವಣೆ ಮಾಡು.
3. (ಸೈನ್ಯ) (ಸೈನಿಕನಿಗೆ) ಸಜ್ಜು – ಒದಗಿಸು, ಕೊಡು; ಸರಂಜಾಮನ್ನು ಕೊಡು, ವಿತರಣೆ ಮಾಡು.

1. ಹೊರಹೋಗು; ಹೊರಬರು; ಹೊರಹೊರಡು; ಹೊರಹರಿ; ನಿರ್ಗಮಿಸು; ಬಹಿರ್ಗಮಿಸು; ನಿಷ್ಕ್ರಮಿಸು: smoke issuing from the chimney ಕೊಳವೆಯಿಂದ ಹೊರಗೆ ಹೋಗುತ್ತಿರುವ ಹೊಗೆ.
2. ಉದಿಸು; ಆವಿರ್ಭವಿಸು; ಒಂದು ಸ್ಥಿತಿಯಿಂದ ಹೊರಡು, ಹೊರಬರು: the acts which issue from these precepts ಈ ಉಪದೇಶಗಳಿಂದ ಹೊರಡುವ ಕ್ರಿಯೆಗಳು.
3. ತಲೆದೋರು; ಉದ್ಭವಿಸು; ಹುಟ್ಟು; ಉದಿಸು; ಉತ್ಪತ್ತಿಯಾಗು: merit issues from worth ಸಾಮರ್ಥ್ಯ ಯೋಗ್ಯತೆಯಿಂದ ಹುಟ್ಟುತ್ತದೆ.
4. ಫಲಿಸು; ಪರಿಣಮಿಸು; ಪರಿಣಾಮವಾಗಿ ಬರು: conflicts issuing from social unrest ಸಾಮಾಜಿಕ ಅಶಾಂತಿಯಿಂದ ಪರಿಣಮಿಸುವ ಘರ್ಷಣೆಗಳು.
5. ಮುಗಿ; ಕೊನೆಗೊಳ್ಳು; ಅಂತ್ಯವಾಗು; ಸಮಾಪ್ತವಾಗು: a philosophy which issues in such conclusions ಅಂಥ ತೀರ್ಮಾನ(ಸಿದ್ಧಾಂತ)ಗಳಲ್ಲಿ ಕೊನೆಗೊಳ್ಳುವ ತತ್ತ್ವಜಿಜ್ಞಾಸೆ.
6. ಹೊರಬೀಳು; ಪ್ರಕಟವಾಗು: new editions are expected to issue from the press ಹೊಸ ಸಂಚಿಕೆಗಳು ಮುದ್ರಣಾಲಯದಿಂದ ಪ್ರಕಟಗೊಳ್ಳುವ ನಿರೀಕ್ಷಣೆಯಿದೆ.