1. ಹಸುರು; ಹಸಿರಾದ; ಹಚ್ಚನೆಯ; ಹಸಿಯ ಹುಲ್ಲು, ಕಡಲ ನೀರು, ಪಚ್ಚೆ ಮೊದಲಾದವುಗಳ ಬಣ್ಣದ.
2. ಸೊಪ್ಪು ಬೆಳೆದಿರುವ.
3. ಎಲೆ ತುಂಬಿರುವ.
4. (ಮೈಬಣ್ಣ, ಮುಖ ಛಾಯೆಯ ವಿಷಯದಲ್ಲಿ) ಬಿಳಿಚಿಕೊಂಡ; ನಿಸ್ತೇಜ; ಪಾಂಡುರ; ರೋಗದ ಛಾಯೆಯ.
5. (ರೂಪಕವಾಗಿ) ಕರುಬಿನ; ಅಸೂಯೆಯ; ಮಾತ್ಸರ್ಯದ.
6. ಕಾಯಿಪಲ್ಯದ; ಸೊಪ್ಪಿನ.
7. ಮಾಗಿಲ್ಲದ; ಹಣ್ಣಾಗಿಲ್ಲದ; ಕಾಯಾದ.
8. ಎಳಸಾದ; ಹೀಚಾದ; ಪೀಚಾದ.
9. (ಹಸಿರುಗೂಡಿ) ಬಲಿಯುತ್ತಿರುವ; ಬೆಳೆಯುತ್ತಿರುವ.
10. ಚೈತನ್ಯ ತುಂಬಿರುವ; ನಳನಳಿಸುತ್ತಿರುವ.
11. ಬಾಡಿಲ್ಲದ; ಕಂದಿರದ.
12. ಎಳೆಯ; ಅಪಕ್ವ; ಬಲಿತಿಲ್ಲದ; ಬೆಳವಣಿಗೆ ಇಲ್ಲದ.
13. ಅನನುಭವಿ; ಅನುಭವವಿಲ್ಲದ; ಅತಿ ಮುಗ್ಧ; ಸುಲಭವಾಗಿ ಮೋಸ ಹೋಗುವ: was not so green as to expect a suspicious man look suspicious ಸಂಶಯಾಸ್ಪದ ವ್ಯಕ್ತಿ ಸಂಶಯಾಸ್ಪದವಾಗಿಯೇ ಕಾಣುತ್ತಾನೆಂದು ನಿರೀಕ್ಷಿಸುವಷ್ಟು ಅವನು ಮುಗ್ಧನಾಗಿರಲಿಲ್ಲ.
14. ಹಸಿಯ; ಒಣಗಿರದ.
15. ಪಕ್ವ ಮಾಡಿರದ; ಹದಗೊಳಿಸಿರದ.
16. (ಇನ್ನೂ) ಮಾಯದಿರುವ; ಹಸಿ: a green wound ಹಸಿ ಗಾಯ.

1. a green Christmas (ಯಾ Winter ಯಾ Yule) ಹಿತವಾದ (ಹಿಮವಿಲ್ಲದ) ಕ್ರಿಸ್‍ಮಸ್‍ ಕಾಲ.
2. a green old age ತೀರ ಹಣ್ಣಾಗದ, ಉತ್ಸಾಹದಿಂದ ಕೂಡಿದ ಮುಪ್ಪು.
3. a green season ಮಂಜಿಲ್ಲದ, ಹಿತವಾದ ಕಾಲ.

1. green fingers ತೋಟಗಾರಿಕೆಯಲ್ಲಿ ಕೌಶಲ.
2. in the green tree (ಬೈಬ್‍ಲ್‍) ಒಳ್ಳೆಯ ದೆಸೆಯಲ್ಲಿ; ಸೌಖ್ಯ ಸ್ಥಿತಿಯಲ್ಲಿ; ಅನುಕೂಲ ಸನ್ನಿವೇಶದಲ್ಲಿ.

1. ಹಸುರಾಗಿರುವುದು.
2. ಹಸಿರು ಭಾಗ.
3. ಹಸುರು (ಬಣ್ಣ).
4. ಹಸುರು ಬಟ್ಟೆ ಯಾ ಉಡುಗೆ: dressed in green ಹಸಿರು ಬಟ್ಟೆ ಉಟ್ಟ.
5. (ರೂಪಕವಾಗಿ) (ನಂಬಿ ಮೋಸ ಹೋಗುವ) ಮಂಕುತನದ ಛಾಯೆ; ಮಡ್ಡಿತನದ ಚಿಹ್ನೆ; ಗಾಂಪತನದ ಗುರುತು: do you see any green in my eye? ನಿನಗೆ ನನ್ನ ಕಣ್ಣಿನಲ್ಲಿ ಗಾಂಪತನದ ಗುರುತೇನಾದರೂ ಕಾಣಿಸುತ್ತಿದೆಯೇ? ನಾನೇನು ಗುಗ್ಗುವೆಂದು ಎಣಿಸಿದೆಯೋ?
6. (ಸಾಮಾನ್ಯವಾಗಿ ವಿಶೇಷಣದೊಡನೆ) ಹಸುರು ಬಣ್ಣ, ರಂಗು: mineral green ಖನಿಜ ಹಸುರು.
7. (ಯೌವನದ) ಹುರುಪು; ಶಕ್ತಿ: in the green ನವಯೌವನದಲ್ಲಿ; ತಾರುಣ್ಯದ ಭರದಲ್ಲಿ.
8. = greenery.
9. (ಬಹುವಚನದಲ್ಲಿ) (ಬೇಯಿಸುವ ಮುಂಚಿನ ಯಾ ಬೇಯಿಸಿದ) ಕಾಯಿಪಲ್ಯಗಳು; ತರಕಾರಿ (ಸೊಪ್ಪು ಮೊದಲಾದವು).
10. ಸಾರ್ವಜನಿಕ ಹುಲ್ಲುಮೈದಾನ, ಹುಲ್ಲುಮಾಳ: village green ಹಳ್ಳಿಯ ಹುಲ್ಲು ಮೈದಾನ.
11. (ವಿಶೇಷ) ಉದ್ದೇಶಕ್ಕಾಗಿ ಬಳಸುವ ಹುಲ್ಲು ನೆಲ (ಮುಖ್ಯವಾಗಿ ವಿಶೇಷಣಗಳೊಂದಿಗೆ): putting-green, bowling green ಇತ್ಯಾದಿ.
12. (ಗಾಲ್‍) ಕುಳಿಯನ್ನು ಸುತ್ತುವರೆದಿರುವ, ತುಂಡಾಗಿ ಕತ್ತರಿಸಿದ ಹುಲ್ಲಿನ ಪ್ರದೇಶ, ಆವರಣ.
13. (ಗಾಲ್‍) = fairway (3).
14. (ಅಶಿಷ್ಟ) ಹಣ; ರೊಕ್ಕ; ದುಡ್ಡು.
15. ಕೀಳ್ದರ್ಜೆಯ ಮ್ಯಾರಿಹ್ವಾನ.
16. (ಬಹುವಚನದಲ್ಲಿ) ಸಂಭೋಗ ಮೈಥುನ.
17. (ಸ್ನೂಕರ್‍ ಮೊದಲಾದ ಆಟಗಳಲ್ಲಿನ) ಹಸಿರು ಚೆಂಡು.
18. ಐರ್ಲೆಂಡನ್ನು ಸಂಕೇತಿಸುವ (ಹಸಿರು) ಬಣ್ಣ.
19. = green light.

through the green (ಗಾಲ್‍ ಆಟದಲ್ಲಿ) ಪ್ರಾರಂಭಿಕ ಹೊಡೆತದ ಜಾಗಕ್ಕೂ ಗುಳಿಯ ಸುತ್ತಣ ಹುಲ್ಲಿನ ಆವರಣಕ್ಕೂ ನಡುವಣ ಪ್ರದೇಶ.

1. ಹಸುರು ಬಣ್ಣ ಹಾಕು, ಬಳಿ.
2. ಹಸುರು ಕಲೆ (ಉಂಟು)ಮಾಡು.
3. (ಅಶಿಷ್ಟ) ಮೋಸಗೊಳಿಸು; ಟೋಪಿ ಹಾಕು; ವಂಚಿಸು: attempts were made to green me ನನಗೆ ಟೋಪಿ ಹಾಕುವ ಪ್ರಯತ್ನಗಳು ನಡೆದುವು.

1. (ಮುಖ್ಯವಾಗಿ ಪಯಿರುಪಚ್ಚೆಗಳಿಂದ) ಹಸುರೇರು; ಹಚ್ಚಗಾಗು.
2. ಹಸುರು ಕಲೆಯಾಗು.