1. (ಚರಿತ್ರೆ) ಕೈಪೊಡೆ; ಉಕ್ಕಿನ ಕೈಕವಚ; ಹಸ್ತತ್ರಾಣ; ಉಕ್ಕಿನ ಕೈಗವುಸು; ತೊಗಲಿನ ಮೇಲೆ ಉಕ್ಕಿನ ತಗಡು ಹೊದಿಸಿದ, ಮಣಿಕಟ್ಟಿಗಿಂತಲೂ ಮೇಲಕ್ಕೆ ಹರಡಿ ಮುಂಗೈ ಮುಚ್ಚುವ, ಉಕ್ಕಿನ ಕೈಚೀಲ.
2. (ಮೋಟಾರು ವಾಹನ ನಡೆಸುವುದು, ಕುದುರೆ ಸವಾರಿ ಮಾಡುವುದು, ಕತ್ತಿವರಸೆ ಮಾಡುವುದು, ಕ್ರಿಕೆಟ್‍ನಲ್ಲಿ ವಿಕೆಟ್‍ ಕಾಯುವುದು, ಮೊದಲಾದವುಗಳಿಗಾಗಿ ಬಳಸುವ, ಮಣಿಕಟ್ಟಿಗಿಂತಲೂ ಮೇಲಕ್ಕೆ ವ್ಯಾಪಿಸುವ, ಅಳ್ಳಕವಾದ) ಕೈ – ಚೀಲ, ಗವುಸು, ಕಾಪು.
3. ಕೈಗವುಸಿನ (ಅಗಲವಾದ) ಮಣಿಕಟ್ಟಿನ ಭಾಗ.

1. fling (or throw) down the gauntlet
   1. ಕಾಳಗಕ್ಕೆ, ಸೆಣಸಾಟಕ್ಕೆ ಕರೆ; ಪೈಜೆ ಹೂಡು; ಸಮರಕ್ಕಾಗಿ ಸವಾಲು ಹಾಕು.
   2. (ಇದರ ಸಂಕೇತವಾಗಿ) ಉಕ್ಕಿನ ಕೈಕವಚ ಎಸೆ; ಮುಡಿಗೆಯಿಕ್ಕು.
2. pick (or take) up the gauntlet
   1. ಕಾಳಗಕ್ಕೆಂದು ಕೊಟ್ಟ ಕರೆಯನ್ನೊಪ್ಪಿಕೊ; ಸಮರಕ್ಕಾಗಿ ಕೊಟ್ಟ ಸವಾಲು ಸ್ವೀಕರಿಸು, ಸವಾಲೊಪ್ಪು.
   2. (ಇದರ ಸಂಕೇತವಾಗಿ ಎದುರಾಳಿಯ ಕೆಳಗೆಸೆದ) ಕೈಕವಚವನ್ನೆತ್ತಿಕೊ.

1. ತಪ್ಪಿತಸ್ಥ ವಿದ್ಯಾರ್ಥಿಗೆ ಶಾಲೆಯಲ್ಲಿ, ತಪ್ಪಿತಸ್ಥ ಸೈನಿಕನಿಗೆ ಭೂ ಯಾ ನೌಕಾ ಸೇನೆಯಲ್ಲಿ ವಿಧಿಸುವ, ಎದುರು ಬದುರು ಸಾಲಿನಲ್ಲಿ ದೊಣ್ಣೆ ಹಿಡಿದು ನಿಂತಿರುವವರ ಏಟುಗಳಿಗೆ ಗುರಿಯಾಗಿ, ನಡುವೆ ಹಾದುಹೋಗುವ ಒಂದು ಶಿಕ್ಷೆ.
2. ವಿಷಮ ಪರೀಕ್ಷೆ; ತೀವ್ರ ಪರಿಸ್ಥಿತಿ.

run the gauntlet

1. ಏಟಿನ ಹಾದಿಯಲ್ಲಿ ಸಾಗು; ದಂಡನಪಥವನ್ನು ಹಾಯು; ಸೇನೆಯ, ನೌಕಾಸೇನೆಯ, ವಿದ್ಯಾಶಾಲೆಯ ಶಿಕ್ಷೆ ಅನುಭವಿಸಲು ಇಕ್ಕೆಲಗಳಿಂದಲೂ ದೊಣ್ಣೆಗಳು, ಹಗ್ಗಗಳು, ಮೊದಲಾದವುಗಳಿಂದ ಬಡಿಯುವ ಜನಗಳ ಎರಡು ಸಾಲುಗಳ ನಡುವೆ – ನಡೆ, ಸಾಗು, ಓಡು.
2. (ರೂಪಕವಾಗಿ) ಇಕ್ಕುಳಕ್ಕೆ ಸಿಕ್ಕು; ಎರಡೂ ಕಡೆಯ ಏಟಿಗೆ, ಹೊಡೆತಕ್ಕೆ ಸಿಕ್ಕು; ಉಭಯತ್ರ ಟೀಕೆಗೆ, ಖಂಡನೆಗೆ, ಅಪಾಯಕ್ಕೆ ಸಿಕ್ಕಿಕೊ; ಉಭಯಾಘಾತಕ್ಕೆ ಗುರಿಯಾಗು.