1. (ಸರಳರೇಖೆಗಳನ್ನು, ಸಾಮಾನ್ಯವಾಗಿ ಒಂದಕ್ಕೊಂದು ಸಮಕೋನದಲ್ಲಿರುವಂತೆ, ವಿವಿಧ ರೀತಿಯ ನಿರಂತರ ಶ್ರೇಣಿಗಳಲ್ಲಿ ಜೋಡಿಸಿ ರಚಿಸಿದ) ಗೆರೆಚಿತ್ತಾರ; ರೇಖಾಲಂಕರಣ.
2. (ಅಲಂಕಾರದ) ಬಲೆ; ಜರಿ, ರೇಷ್ಮೆದಾರ, ಮೊದಲಾದವುಗಳಿಂದ ಹೆಣೆದು, ಹರಳುಗಳು ಯಾ ಹೂಗಳಿಂದ ಅಲಂಕರಿಸಿದ, ಮುಖ್ಯವಾಗಿ ತಲೆಗೂದಲನ್ನು ಹಿಡಿದಿಡಲು ಬಳಸುವ, ಬಲೆ.
3. (ವಂಶಲಾಂಛನ ವಿದ್ಯೆ) ಕಿರುಪಟ್ಟೆಗಳು ಮತ್ತು ವಜ್ರಾಕೃತಿ ಹೆಣೆದ, ಕುಲದ ಸಂಕೇತ, ಚಿಹ್ನೆ.

1. ಬೇರೆಬೇರೆ ಬಣ್ಣ ಮಾಡು; ಬಣ್ಣಬಣ್ಣವಾಗಿಸು; ವಿವಿಧ ವರ್ಣಮಾಡು; ವೈವಿಧ್ಯಗೊಳಿಸು.
2. ಚೌಕಳಿಮಾಡು; ಪಪ್ಪಳಿ ನಮೂನೆಯ ಚಿತ್ರಾಲಂಕಾರ ಮಾಡು.
3. ಕೆತ್ತನೆಯ ಕೆಲಸದಿಂದ ಯಾ ಉಬ್ಬುಚಿತ್ರಣದಿಂದ (ಮುಖ್ಯವಾಗಿ ಚತ್ತುವನ್ನು, ಮಾಳಿಗೆಯ ಒಳ ಮೈಯನ್ನು) ಅಲಂಕರಿಸು.

(ಭೂತರೂಪ ಮತ್ತು ಭೂತಕೃದಂತ fretted, ವರ್ತಮಾನ ಕೃದಂತ fretting).

1. (ಕ್ರಿಮಿಕೀಟಗಳ ವಿಷಯದಲ್ಲಿ) ಕಡಿ; ಕಚ್ಚು.
2. (ಕುದುರೆಗಳ ವಿಷಯದಲ್ಲಿ) ಕಡಿವಾಣ ಕಡಿ.
3. (ಹಿಮ ಮೊದಲಾದವುಗಳ ವಿಷಯದಲ್ಲಿ) ಕೊರೆ; ತಿಂದು ಹಾಕು.
4. (ರೂಪಕವಾಗಿ) (ದುಃಖ ಮೊದಲಾದ ಭಾವಗಳ ವಿಷಯದಲ್ಲಿ) ಮನಸ್ಸನ್ನು ಕೊರೆ, ತಿಂದು ಹಾಕು.
5. (ತುಕ್ಕು, ಉಜ್ಜಾಟ, ಮೊದಲಾದವುಗಳ ವಿಷಯದಲ್ಲಿ) ಸವೆಸು; ತಿಂದುಹಾಕು.
6. (ತೊರೆ ಮೊದಲಾದವುಗಳ ವಿಷಯದಲ್ಲಿ) ಸವೆಸಿ, ಕೊರೆದು – ದಾರಿಮಾಡಿಕೊಂಡು ಹೋಗು.
7. ರೇಗಿಸು; ಸಿಡುಕು ಉಂಟುಮಾಡು; ಕೋಪತರು, ಬರಿಸು, ಕೆರಳಿಸು.
8. ಕಳವಳ ಹುಟ್ಟಿಸು; ತಳಮಳಗೊಳಿಸು; ದುಗುಡಗೊಳಿಸು.
9. (ನೀರನ್ನು) ಕಲಕು; ಕ್ಷೋಭೆಗೊಳಿಸು.

1. (ನದಿ, ತೊರೆ, ಮೊದಲಾದವುಗಳ ವಿಷಯದಲ್ಲಿ) ಕಿರುದೆರೆಗಳನ್ನು ಏರಿಸುತ್ತಾ ಹರಿ ಯಾ ಮೊರೆಯುತ್ತಾ ಉಕ್ಕಿಬರು.
2. (ವಿಷಾದ ಯಾ ಅತೃಪ್ತಿಯಿಂದ) ಪರಿತಪಿಸು; ಕಳವಳಪಡು; ತಳಮಳಿಸು; ದುಗುಡಪಡಿಸು.
3. ಸಿಡುಕು; ರೇಗು.
4. (ನೀರು) ಪ್ರಕ್ಷುಬ್ಧವಾಗು; ತಳಮಳಗೊಳ್ಳು; ಕಲಕಾಡು.

fret at

1. (ಯಾವುದೇ ಕಾರಣಕ್ಕಾಗಿ) ಸಿಡಿಗುಟ್ಟು; ರೇಗಿಬೀಳು; ಕೆರಳು.
2. (ಯಾವುದೇ ಕಾರಣಕ್ಕಾಗಿ) ತಳಮಳಗೊಳ್ಳು; ಕಳವಳಪಡು.

1. fret and fume ಕೋಪ, ಅಸಹನೆ ತೋರಿಸು; ಉರಿದುರಿದು ಬೀಳು; ಸಿಡಿಮಿಡಿಗುಟ್ಟು.
2. fret away (or out) one’s life ತನ್ನ ಬಾಳು ಮೊದಲಾದವನ್ನು ಕೊರಗಿಕೊರಗಿ ಕಳೆ, ವಿಷಾದದಲ್ಲೇ ವ್ಯಯಮಾಡು, ಯಾ ದುಗುಡದಲ್ಲೇ ಮುಗಿಸು.

1. ಸಿಡುಕು; ಸಿಡಿಮಿಡಿ(ತ); ರೇಗಿಬೀಳುವಿಕೆ.
2. ಕಾಟ; ಪೀಡೆ; ಉಪದ್ರವ; ಕಿರುಕುಳ.
3. ಕಿರಿಕಿರಿ; ಉದ್ವೇಗ.
4. ಜಗಳಗಂಟಿತನ; ಜಗಳಕ್ಕೆ ಬರುವ ಸ್ವಭಾವ, ಲಕ್ಷಣ, ನಡವಳಿಕೆ.

1. in a fret ಕೆರಳಿ; ರೇಗಿ; ಸಿಡುಕುತ್ತ.
2. on the fret
   1. ದುಗುಡಪಡುತ್ತ.
   2. ಸಿಡಿಮಿಡಿಗುಟ್ಟುತ್ತಾ.

(ಕೆಲವು ತಂತಿವಾದ್ಯಗಳಲ್ಲಿ ಬೆರಳಾಡಿಸುವ ಭಾಗದಲ್ಲಿರುವ) ಮೆಟ್ಟು; ಮೆಟ್ಟಿಲು; ಸಾರಿಕೆ.