See also 2creep
1creep ಕ್ರೀಪ್‍
ಅಕರ್ಮಕ ಕ್ರಿಯಾಪದ
(ಭೂತರೂಪ ಮತ್ತು ಭೂತಕೃದಂತ crept).
  1. (ನೆಲದ ಮೇಲೆ ಬಗ್ಗಿ, ಮಲಗಿ) ಹರಿ; ಹರಿದಾಡು; ಜರುಗು; ದೇಕು; ತೆವಳು.
  2. ನಿಧಾನವಾಗಿ ಸಾಗು; ಮೆಲ್ಲಗೆ ಸರಿ.
  3. ಅಳುಕಿನಿಂದ ಹೋಗು; ಭಯದಿಂದ ಚಲಿಸು.
  4. ಕಳ್ಳತನದಿಂದ, ನುಸುಳಿಕೊಂಡು, ಕಾಣದಂತೆ–ಹೋಗು.
  5. ಉಪಾಯದಿಂದ ಒಳಕ್ಕೆ ಸೇರಿಕೊ; ಗೊತ್ತಾಗದಂತೆ ನುಸುಳಿಕೊ.
  6. ಅತಿ ದೀನವಾಗಿ–ವರ್ತಿಸು, ನಡೆದುಕೊ; ಕೃಪಣನಾಗಿ–ಬದುಕು, ಬಾಳು.
  7. (ಸಸ್ಯಗಳು ನೆಲದ ಮೇಲೆ ಯಾ ಗೋಡೆಯ ಮೇಲೆ) ಹರಡು; ಹಬ್ಬು.
  8. (ನೀರಿನ ತಳದಲ್ಲಿ ಮುಳುಗಿದ ಪದಾರ್ಥಗಳನ್ನು ಪತ್ತೆ ಹಚ್ಚಲು) ಪಾತಾಳ ಗರಡಿ ಎಳೆ.
  9. (ಲೋಹವಿದ್ಯೆ) (ಲೋಹದ ವಿಷಯದಲ್ಲಿ) (ಒತ್ತಡದಿಂದ ಯಾ ಅತಿ ಹೆಚ್ಚಿನ ತಾಪದ ಪರಿಣಾಮವಾಗಿ) ಆಕಾರ ಬದಲಾಯಿಸು; ರೂಪವ್ಯತ್ಯಾಸ ಹೊಂದು.
  10. (ಭೂವಿಜ್ಞಾನ) (ಮಣ್ಣು, ಕಲ್ಲುಚೂರು, ಪದರ ಮೊದಲಾದವು ವಾತಾವರಣದ ವ್ಯತ್ಯಾಸ ಮೊದಲಾದವುಗಳಿಂದಲೋ ಒತ್ತಡ, ಇಳಿಜಾರು, ಯಾ ಹಿಗ್ಗುಕುಗ್ಗುಗಳಿಂದಲೋ) ಸ್ಥಳಾಂತರಗೊಳ್ಳು; ಮೆಲ್ಲನೆ–ಸರಿ, ಜಾರು, ಜರುಗು.
  11. ಕ್ರಮೇಣ–ಹೆಚ್ಚು, ಏರು, ವರ್ಧಿಸು, ಹೆಚ್ಚುತ್ತಾ ಹೋಗು: creeping inflation ಕ್ರಮೇಣ ಹೆಚ್ಚುತ್ತಾ ಇರುವ ಹಣದುಬ್ಬರ.
  12. (ದೇಹದ ವಿಷಯದಲ್ಲಿ) (ಭಯ, ಹೆದರಿಕೆ ಮೊದಲಾದವುಗಳ ಪರಿಣಾಮವಾಗಿ) ಮುಲಗುಡು; ಮುಲಮುಲ ಎನ್ನು; ಜುಮ್ಮೆನ್ನು; ಏನೋ ಹರಿದಾಡಿದಂತಾಗು: flesh creeps ಮೈಜುಮ್ಮೆನ್ನುತ್ತದೆ; (ಭಯ, ಅಸಹ್ಯ ಮೊದಲಾದವುಗಳಿಂದ) ಮೈಮೇಲೆ ಹರಿದಂತಾಗುತ್ತದೆ.
See also 1creep
2creep ಕ್ರೀಪ್‍
ನಾಮವಾಚಕ
  1. (ಸಾಮಾನ್ಯವಾಗಿ ಬಹುವಚನದಲ್ಲಿ) ಕಂಪಭೀತಿ; ಅತಿಗಾಬರಿ; ಮೈಮುದುಡುವ ಭೀತಿ: gave me the creeps ಗಾಬರಿಯಿಂದ ಮೈಮುದುಡಿತು.
  2. (ರೈಲುಮಾರ್ಗ, ರಸ್ತೆ ಮೊದಲಾದವುಗಳ ಒಡ್ಡಿನ ತಳಭಾಗದಲ್ಲಿನ) ತಗ್ಗಾದ ಕಮಾನು; ಸಣ್ಣ, ಕಿರು–ಕಮಾನು.
  3. ನುಸುಳುಗಂಡಿ; ಬೇಲಿ ಮೊದಲಾದವುಗಳಲ್ಲಿಯ ಕಂಡಿ.
  4. (ಅಶಿಷ್ಟ) ಅನಿಷ್ಟ; ಅಸಹ್ಯ ಮನುಷ್ಯ.
  5. (ಭೂವಿಜ್ಞಾನ) ಸರಣ; ಸರಿಕೆ; ಜಾರಿಕೆ; ಜರುಗು; ಮಣ್ಣು, ಕಲ್ಲುಚೂರು ಮೊದಲಾದವು, ಸಾಮಾನ್ಯವಾಗಿ ಬೆಟ್ಟದ ಇಳಿಜಾರಿನಲ್ಲಿ ಗುರುತ್ವದಿಂದ ಯಾ ಇತರ ನೈಸರ್ಗಿಕ ಕಾರಣಗಳಿಂದ ನಿಧಾನವಾಗಿ ಕಣ್ಣಿಗೆ ಕಾಣದಂತೆ ಕೆಳಕ್ಕೆ ಜರುಗುವುದು, ಇಳಿಯುವುದು: soil creep ಮಣ್ಣುಸರಿಕೆ. rock creep ಕಲ್ಲುಸರಿಕೆ; ಶಿಲಾಸರಣ.
  6. (ಭೂವಿಜ್ಞಾನ) ಪದರ, ಸ್ತರ–ಸರಿಕೆ; ಸ್ತರಸರಣ; ಹಿಗ್ಗಣೆ, ಕುಗ್ಗಣೆ ಮೊದಲಾದವುಗಳಿಂದ ಸ್ತರ ನಿಧಾನವಾಗಿ ಚಲಿಸುವುದು.
  7. (ಲೋಹವಿದ್ಯೆ) ಆಕಾರ ಬದಲಾವಣೆ; ರೂಪವ್ಯತ್ಯಾಸ; ಮುಖ್ಯವಾಗಿ ಲೋಹವು ಒತ್ತಡದಿಂದ ಯಾ ಹೆಚ್ಚಿನ ತಾಪದಿಂದ ನಿಧಾನವಾಗಿ ರೂಪವನ್ನು ಬದಲಾಯಿಸುವುದು.