(ವ್ಯಕ್ತಿಯ ಯಾ ವಸ್ತುವೊಂದರ ವಿಶ್ವಾಸಾರ್ಹತೆ, ಪ್ರಾಮಾಣಿಕತೆ, ಶಕ್ತಿ, ಮೊದಲಾದವುಗಳಲ್ಲಿ) ದೃಢನಂಬಿಕೆ; ನೆಚ್ಚಿಕೆ; ವಿಶ್ವಾಸ.
ನಂಬಿಕೆ; ಶ್ರದ್ಧೆ; ನೆಚ್ಚಿಕೆಗೆ ಒಳಪಟ್ಟಿರುವ ಸ್ಥಿತಿ: our trust in God ದೇವರಲ್ಲಿ ನಂಬಿಕೆ.
ಭರವಸೆಯಿಂದ ಕೂಡಿದ ನಿರೀಕ್ಷೆ.
ವಿಶ್ವಾಸ ಪಾತ್ರ; ನಂಬಿಕೆಯ ವ್ಯಕ್ತಿ, ವಸ್ತು: he is our sole trust ಅವನು ನಮ್ಮ ಏಕೈಕ ವಿಶ್ವಾಸಕ್ಕೆ ಪಾತ್ರನಾದವನು.
ಕೇವಲ ನಂಬಿಕೆ; ಪರೀಕ್ಷಿಸದೆ ಹೇಳಿಕೆ ಮೊದಲಾದವನ್ನು ಸತ್ಯ ಯಾ ನಿರಾಧಾರ ಎಂದು ನಂಬಉವುದು.
(ವ್ಯಾಪಾರ) ಖಾತ್ರಿ ಸಾಲ; ನಂಬಿಕೆ ಉದ್ದರಿ: obtained goods on trust ಖಾತ್ರಿ ಸಾಲದ ಮೇಲೆ ಮಾಲುಗಳನ್ನು ಪಡೆದ.
ನಂಬಿಕೆ; ನಂಬಿಕೆಯ ಹೊಣೆ; ಇನ್ನೊಬ್ಬರ ನಂಬಿಕೆಯಿಂದ ಒದಗಿದ ನಮ್ಮ ಜವಾಬ್ದಾರಿ: am in a position of trust ನನ್ನದು ನಂಬಿಕೆಯ ಹೊಣೆಗಾರಿಕೆ.
(ನ್ಯಾಯಶಾಸ್ತ್ರ)
ನ್ಯಾಸ ವಿಶ್ವಾಸ; ಬೇರೊಬ್ಬನ ಪ್ರಯೋಜನಾರ್ಥ ನಿರ್ವಹಿಸಬೇಕಾದ ಆಸ್ತಿಗೆ ಒಬ್ಬನನ್ನು ಹೆಸರಿಗೆ ಮಾತ್ರ ಒಡೆಯನನ್ನಾಗಿ ಮಾಡಿ ಅವನಲ್ಲಿ ನಂಬಿಕೆ ಇಡುವುದು.
ನ್ಯಾಸಾನುಭೋಗ; ನ್ಯಾಸಾನುಭೋಗದ ಹಕ್ಕು; ಯಾರಿಗಾಗಿ ನ್ಯಾಸ ಇಟ್ಟಿದೆಯೋ ಅವನು ಅದರಿಂದ ಪ್ರಯೋಜನ ಪಡೆಯುವ ಹಕ್ಕು.
ನ್ಯಾಸ; ನ್ಯಾಸವಾಗಿಟ್ಟ ಆಸ್ತಿ.
ನ್ಯಾಸ ಸಂಬಂಧ; ನ್ಯಾಸದಾರನಿಗೂ ನ್ಯಾಸದ ಆಸ್ತಿಗೂ ಇರುವ ಸಂಬಂಧ.
ಕೈಯೆಣೆ; ನ್ಯಾಸ; ಒಬ್ಬನ ವಶಕ್ಕೆ ಒಪ್ಪಿಸಿದ ವಸ್ತು ಯಾ ವ್ಯಕ್ತಿ.
ನ್ಯಾಸದ ಹೊಣೆ: have fulfilled my trust ನನ್ನ ನ್ಯಾಸದ ಹೊಣೆ ನಿರ್ವಹಿಸಿದ್ದೇನೆ.
ನ್ಯಾಸದರ್ಶಿಗಳು, ವಿಶ್ವಸ್ಥರು, ಧರ್ಮದರ್ಶಿಗಳು, ಮೇಲ್ವಿಚಾರಣೆ ನೋಡಿಕೊಳ್ಳುವ ಸಂಸ್ಥೆ.
ಧರ್ಮದರ್ಶಿಗಳ ಯಾ ನ್ಯಾಸದರ್ಶಿಗಳ ಯಾ ವಿಶ್ವಸ್ಥರ–ಮಂಡಲಿ.
ಕೂಡುವ್ಯಾಪಾರ ಸಂಸ್ಥೆ; ಪೈಪೋಟಿ ಕಡಮೆ ಮಾಡಲು ಯಾ ನಿಷ್ಫಲಗೊಳಿಸಲು ಹಲವು ವ್ಯಾಪಾರ ಸಂಘಗಳು ಎಲ್ಲಾ ಹೊಣೆಗಾರಿಕೆಯನ್ನೂ ಕೇಂದ್ರ ಸಮಿತಿಗೆ ವಹಿಸಿ ವಹಿವಾಟು ನಡೆಸುವ ಸಂಸ್ಥೆ; (ಮುಖ್ಯವಾಗಿ) ಎಲ್ಲಾ ಬಂಡವಾಳ ಸ್ಟಾಕುಗಳನ್ನೂ ಕೇಂದ್ರ ಸಮಿತಿಗೆ ವರ್ಗಾಯಿಸಿ, ಪಾಲುದಾರರು ತಮ್ಮ ಮತ ಚಲಾವಣೆ ಹಕ್ಕನ್ನೂ ಬಿಟ್ಟುಕೊಟ್ಟು, ಕೇವಲ ಲಾಭದಲ್ಲಿ ಪಾಲುಗೊಳ್ಳುವುದನ್ನು ಮಾತ್ರ ಉಳಿಸಿಕೊಂಡ ಸಂಸ್ಥೆ.
ಪದಗುಚ್ಛ
in trust (ನ್ಯಾಯಶಾಸ್ತ್ರ) ನ್ಯಾಸವಾಗಿ; ನ್ಯಾಸದಲ್ಲಿ.
on trust ಖಾತ್ರಿಸಾಲದ (ಆಧಾರದ) ಮೇಲೆ.
ನಂಬಿಕೆಯ ಆಧಾರದ ಮೇಲೆ.
take on trust ಕೇವಲ ನಂಬಿಕೆಯ ಮೇಲೆ ಒಪ್ಪಿಕೊ, ಕೊಡು, ಇತ್ಯಾದಿ.