relieve
ರಿಲೀವ್‍
ಸಕರ್ಮಕ ಕ್ರಿಯಾಪದ
- ತಗ್ಗಿಸು; ಕಡಮೆಮಾಡು; ಉಪಶಮನಗೊಳಿಸು: the doctor relieved him of his pain ವೈದ್ಯನು ಅವನ ನೋವನ್ನು ತಗ್ಗಿಸಿದನು.
- (ಮನಸ್ಸಿನ ಸಂಕಟ, ವ್ಯಥೆ, ಕಳವಳ ಮೊದಲಾದವನ್ನು) ಹಗುರಗೊಳಿಸು ಯಾ ಸಮಾಧಾನಗೊಳಿಸು: relieving distress ಸಂಕಟವನ್ನು ಹಗುರಗೊಳಿಸುವುದು ಯಾ ಸಮಾಧಾನಗೊಳಿಸುವುದು.
- (ಶತ್ರುವಿನ ದಾಳಿ ಯಾ ಮುತ್ತಿಗೆಗೊಳಗಾದ ನಗರ, ಕೋಟೆ ಮೊದಲಾದವುಗಳ) ಮುತ್ತಿಗೆ ಬಿಡಿಸು: the fort was relieved ಕೋಟೆಗೆ ಹಾಕಿದ್ದ ಮುತ್ತಿಗೆಯನ್ನು ಬಿಡಿಸಲಾಯಿತು.
- (ಸರದಿ ಮುಗಿದ ಕಾವಲುಗಾರ ಮೊದಲಾದವರ ಬದಲಿಯಾಗಿ ಬಂದು) ಸರದಿಯಿಂದ ಬಿಡುಗಡೆ ಮಾಡು: relieve guard (ಕಾವಲುಗಾರನ ಬದಲಿಯಾಗಿ ಬಂದು) ಅವನನ್ನು ಕಾವಲಿನಿಂದ ಬಿಡಿಸು.
- (ಒಬ್ಬನ ಭಾರವನ್ನು, ಹೊಣೆಯನ್ನು) ಕಳೆ; ನಿವಾರಿಸು.
- (ಹಾಸ್ಯ ಪ್ರಯೋಗ) ಒಬ್ಬನ ಹಣ, ವಸ್ತುಗಳು ಮೊದಲಾದವನ್ನು ಕಸಿದುಕೊ: a tramp relieved him of his purse ಯಾವನೋ ದಾರಿಗಳ್ಳ ಅವನ ಹಣದ ಚೀಲದ ಭಾರವನ್ನು ಕಳೆದ.
- (ಮುಖ್ಯವಾಗಿ ಭೂತಕೃದಂತದಲ್ಲಿ) ಸ್ಫುಟವಾಗಿ ಕಾಣುವಂತೆ, ಎದ್ದು ಕಾಣುವಂತೆ–ಮಾಡು; ಹಿನ್ನೆಲೆಯಿಂದ ಉಬ್ಬಿದಂತೆ ಚಿತ್ರಿಸು.
- ಬೇಸರವನ್ನು, ಏಕತಾನತೆಯನ್ನು–ತಗ್ಗಿಸು, ತೊಲಗಿಸು, ನಿವಾರಿಸು, ಪರಿಹರಿಸು.
ಪದಗುಚ್ಛ
- relieving arch ಭಾರ ನಿವಾರಕ, ಪರಿಹಾರಕ ಕಮಾನು; ಕೆಳಭಾಗದ ಮೇಲೆ ಭಾರ ಬೀಳದಂತೆ ತಪ್ಪಿಸಲು ಗೋಡೆಯಲ್ಲಿ ಹುದುಗಿಸಿ ಕಟ್ಟಿದ ಕಮಾನು.
- relieve nature ದೇಹಬಾಧೆ ಕಳೆದುಕೊ; ಮಲಮೂತ್ರ ವಿಸರ್ಜಿಸಿ ದೇಹವನ್ನು ಹಗುರಗೊಳಿಸಿಕೊ.
- relieve oneself ಮಲ ಯಾ ಮೂತ್ರ–ವಿಸರ್ಜಿಸು, ವಿಸರ್ಜನೆ ಮಾಡು.
- relieve one’s feelings
- (ಮನಸ್ಸಿನ ದುಃಖವನ್ನು ತೋಡಿಕೊಂಡು) ಮನಸ್ಸನ್ನು ಹಗುರಗೊಳಿಸಿಕೊ, ಸಮಾಧಾನಮಾಡಿಕೊ.
- (ಬಿರುನುಡಿಗಳನ್ನಾಡಿ ಯಾ ಕೂಗಾಡಿ) ಮನಸ್ಸಿನ ಕೋಪತಾಪವನ್ನು, ಕೋಪಾವೇಶವನ್ನು–ತೊಲಗಿಸಿಕೊ, ನಿವಾರಿಸಿಕೊ.