(ಕೊಟ್ಟದ್ದನ್ನು ಯಾ ತಂದೊಪ್ಪಿಸಿದ್ದನ್ನು) ತೆಗೆದುಕೊ; ಒಪ್ಪಿಸಿಕೊ; ಸ್ವೀಕರಿಸು; ಅಂಗೀಕರಿಸು: receive an invitation ಕರೆಯನ್ನು, ಆಹ್ವಾನವನ್ನು ಸ್ವೀಕರಿಸು. receive a petition ಅರ್ಜಿಯನ್ನು ತೆಗೆದುಕೊ, ಅಂಗೀಕರಿಸು.
(ಊರೆಯಾಗಿದ್ದು ಭಾರ ಮೊದಲಾದವನ್ನು) ಹೊತ್ತುಕೊ; ತೆಗೆದುಕೊ; ಆನಿಕೊ; ಆತುಕೊ: the arch receives the weight of the roof ಆ ಕಮಾನು ಛಾವಣಿಯ ಭಾರವನ್ನು ಹೊತ್ತುಕೊಂಡಿದೆ. they received his body in their hands ಅವನ ದೇಹವನ್ನು ಅವರು ಕೈಯಲ್ಲಿ ಆತುಕೊಂಡರು.
(ರೂಪಕವಾಗಿ) (ಪೆಟ್ಟು, ನೋವು, ಮನಸ್ಸಿಗುಂಟಾದ ಆಘಾತ, ಮೊದಲಾದವನ್ನು) ತಾಳಿಕೊ; ತಡೆದುಕೊ; ಸಹಿಸಿಕೊ: he received the shock with equanimity ಆ ಆಘಾತವನ್ನು ಅವನು ಸಮಚಿತ್ತದಿಂದ ತಾಳಿಕೊಂಡ.
(ಸಂಘ, ಸಂಸ್ಥೆ ಮೊದಲಾದವಕ್ಕೆ) ಸೇರಿಸು; ಪ್ರವೇಶ ಕೊಡು: they received him into the church ಅವನನ್ನು ಅವರು ಚರ್ಚಿಗೆ, ಪಾದ್ರಿಯ ವೃತ್ತಿಗೆ, ಸೇರಿಸಿಕೊಂಡರು.
ಒಳಕ್ಕೆ ಬರಗೊಡು; ಒಳಗೆ ಎಡೆಗೊಡು, ಅವಕಾಶ ಕೊಡು, ಆಸ್ಪದಕೊಡು: I had to receive his visits ಅವನ ಭೇಟಿಗಳಿಗೆ ನಾನು ಎಡೆಗೊಡಬೇಕಾಯಿತು.
ಸ್ವೀಕಾರಕ್ಕೆ – ಈಡಾಗು, ಪಾತ್ರವಾಗು, ಭಾಜನವಾಗು: the basin received Chirst’s blood ಆ ಬೋಗುಣಿಯು ಕ್ರಿಸ್ತನ ರಕ್ತಕ್ಕೆ ಭಾಜನವಾಯಿತು. he was fitted to receive the knowledge of God ದೇವರನ್ನು ಕುರಿತ ಜ್ಞಾನಕ್ಕೆ ಅವನು ಪಾತ್ರವಾಗಿದ್ದ.
ಹಿಡಿ; ಹಿಡಿಸು; ಹೋಗಲು ಅವಕಾಶ ಹೊಂದಿರು: the hole was large enough to receive two men ಆ ಗೂಡು ಇಬ್ಬರು ಹಿಡಿಸುವಷ್ಟು ದೊಡ್ಡದಾಗಿತ್ತು.
(ಗುರುತು, ಮುದ್ರೆ, ಭಾವನೆ, ಮೊದಲಾದವನ್ನು) ತಳೆ; ಪಡೆ; ಹೊರು; ಹೊಂದಿರು; ತಳೆದುಕೊ: receive a stamp ಮುದ್ರೆಯನ್ನು ಹೊಂದು, ಪಡೆ. receive an impression ಭಾವನೆಯನ್ನು ತಳೆದುಕೊ.
ಹೊರು; ಹೊತ್ತುಕೊ; ವಹಿಸು: he who has received our yoke ನಾವು ಹೊರಿಸಿದ ನೊಗವನ್ನು, ಹೊಣೆಯನ್ನು ಹೊತ್ತುಕೊಂಡವನು.
(ಸೋಲನ್ನು) ಒಪ್ಪಿಕೊ: the town received the French contingent ಆ ಪಟ್ಟಣವು ಹ್ರೆಂಚ್‍ ಪಡೆಗೆ ಸೋಲನ್ನೊಪ್ಪಿತು.
ಬರಮಾಡಿಕೊ; ಬರಗೊಡು: he shall not be received at my house ಅವನನ್ನು ನನ್ನ ಮನೆಗೆ ಬರಗೊಡುವುದಿಲ್ಲ.
ಅತಿಥಿಯಾಗಿ ಯಾ ಅಭ್ಯಾಗತನನ್ನಾಗಿ ಸತ್ಕರಿಸು, ಆದರಿಸು: he that receiveth me receiveth Him that sent me ನನ್ನನ್ನು ಅಭ್ಯಾಗತನನ್ನಾಗಿ ಯಾವನು ಆದರಿಸುತ್ತಾನೋ ಅವನು ನನ್ನನ್ನು ಕಳುಹಿಸಿದವನನ್ನೇ (ಭಗವಂತನನ್ನೇ) ಆದರಿಸಿದಂತೆ.
-ರೀತಿಯಲ್ಲಿ ಸ್ವಾಗತಿಸು; ಪುರಸ್ಕರಿಸು ಯಾ ತಿರಸ್ಕರಿಸು: he was received with cries of ‘Traitor’ ಅವನನ್ನು ‘ದ್ರೋಹಿ’ ಎಂದು ಕೂಗಿ ಸ್ವಾಗತಿಸಿದರು. stay here and receive him ಇಲ್ಲಿಯೇ ಇದ್ದು ಅವನನ್ನು ಸ್ವಾಗತಿಸು.
ನಿಜವೆಂದು ನಂಬು; ಒಪ್ಪು, ಅಂಗೀಕರಿಸು: an axiom universally received ಸರ್ವಸಾಮಾನ್ಯವಾಗಿ ಅಂಗೀಕೃತವಾದ ಸ್ವತಸ್ಸಿದ್ಧ ಸೂತ್ರ. they have not received our report ನಮ್ಮ ವರದಿಯನ್ನು ಅವರು ನಿಜವೆಂದು ಒಪ್ಪಿಲ್ಲ.
ಪಡೆ: receive a letter (ಯೋಗಕ್ಷೇಮದ ಯಾ ಇತರ) ಕಾಗದವನ್ನು ಪಡೆ.
ಪಡೆ; (ಸಲ್ಲಬೇಕಾದದ್ದು) ದೊರೆ: I have not yet received my dividend ನನಗೆ ಸಲ್ಲಬೇಕಾದ ಲಾಭಾಂಶ ನನಗಿನ್ನೂ ದೊರೆತಿಲ್ಲ. it deserves more attention than it receives ಅದಕ್ಕೆ ದೊರೆತಿರುವ ಗಮನಕ್ಕಿಂತ ಹೆಚ್ಚು ಗಮನ ಅದಕ್ಕೆ ಸಲ್ಲುತ್ತದೆ.