(ಯಾವುದೋ ಒಂದು ವಸ್ತುವಿನಲ್ಲಿ, ವಸ್ತುವಿನ ಮೇಲೆ) ಹಲ್ಲು ಮಾಡು; ಹಲ್ಲಿನಂಥ ಕಚ್ಚುಗಳನ್ನು ಮಾಡು; ಮೊನೆಯಾಕಾರದ ಗುರುತುಮಾಡು: an indented stick ಹಲ್ಲುಕೋಲು; ಕ್ಷತದಂಡ; ಕಚ್ಚು ಮಾಡಿದ ಕೋಲು.
(ಕರಾವಳಿ ಮೊದಲಾದವುಗಳಲ್ಲಿ) ಕೋಚುಕೊರೆ; ಉದ್ದನೆಯ ಕೋಚುಗಳನ್ನುಂಟುಮಾಡು; ಒಳಚಾಚುಗಳನ್ನು ಕೊರೆ: the coastline is indented by the sea into small bays ಸಮುದ್ರವು ಕರಾವಳಿ ಅಂಚನ್ನು ಕೋಚುಕೋಚಾಗಿ ಕೊರೆದು ಸಣ್ಣ ಕೊಲ್ಲಿಗಳನ್ನು ಮಾಡಿದೆ.
ಕೋಚಾಗಿ – ಹರಿ, ಕತ್ತರಿಸು, ವಿಭಾಗಿಸು; ದುಪ್ರತಿಯಾಗಿ ತಯಾರಿಸಿದ ದಸ್ತೈವಜನ್ನು ಅಂಚುಗಳು ಕೋಚುಕೋಚಾಗಿರುವಂತೆ (ಕೂಡಿಸಿದಾಗ ಎರಡು ಭಾಗಗಳ ಅಂಚುಗಳು ಒಂದಕ್ಕೊಂದು ಹೊಂದಿಕೊಂಡು, ಒಂದೇ ದಸ್ತಾವೇಜಿನ ಭಾಗಗಳೆಂದು ತೋರಿಸಲು ಸಾಧ್ಯವಾಗುವಂತೆ) ಕತ್ತರಿಸು, ವಿಭಾಗಿಸು.
(ದಸ್ತೈವಜನ್ನು) ಕರಾರುವಾಕ್ಕಾದ ದುಯ್ಯಂಪ್ರತಿ ಯಾ ದುಪ್ರತಿ ಮಾಡು.
(ಮುದ್ರಣ ಮೊದಲಾದವುಗಳಲ್ಲಿ) ಒಳತಳ್ಳು; ಒಳಸರಿಸು; ಬೇರೆ ಪ್ಯಾರಾವನ್ನು ಪ್ರಾರಂಭಿಸುವಾಗ ಮೊದಲ ಪಂಕ್ತಿಯನ್ನು ಮುದ್ರಣದ ಇತರ ಸಾಲುಗಳ ನೇರದಿಂದ ಸ್ವಲ್ಪ ಒಳಕ್ಕೆ ತಳ್ಳು.
(ಬ್ರಿಟಿಷ್‍ ಪ್ರಯೋಗ) ಕೋರಿಕೆ ಕಳುಹಿಸು; (ಸಾಮಾನ್ಯವಾಗಿ ದುಪ್ರತಿ ಬರಹದಲ್ಲಿ) ಯಾವುದಾದರೂ ಪದಾರ್ಥಕ್ಕಾಗಿ ವ್ಯಕ್ತಿಯನ್ನು ಕೋರು, ಕೇಳು.
ಅಕರ್ಮಕ ಕ್ರಿಯಾಪದ
(ಬ್ರಿಟಿಷ್‍ ಪ್ರಯೋಗ) (ಬೇಕಾದ ಸಾಮಾನಿಗಾಗಿ) ಕೋರಿಕೆ ಪತ್ರ ಕಳುಹಿಸು.
ಒಳಕ್ಕೆ – ತಗ್ಗಿಸು, ನೆಗ್ಗಿಸು; ಒತ್ತಿ ಗುರುತು ಬೀಳುವಂತೆ ಮಾಡು: the spectacles indented the sides of the nose ಕನ್ನಡಕ ಮೂಗಿನ ಎರಡು ಕಡೆಯಲ್ಲೂ ಒತ್ತಿ ಗುರುತು ಬೀಳಿಸಿತು.
(ಗುರುತು ಮೊದಲಾದವನ್ನು) ಒತ್ತು; ಛಾಪಿಸು; ಮುದ್ರಿಸು: indent a pattern on metal ಲೋಹದ ಮೇಲೆ ಚಿತ್ರ ಒತ್ತು, ಛಾಪಿಸು.