ಕಾವಲಿರು; ಕಾಪಿರು; ಪಹರೆಯಿರು; ಹೋಗಿ ಬರುವವರನ್ನು ಹತೋಟಿಯಲ್ಲಿಟ್ಟುಕೊಳ್ಳಲು (ಬಾಗಿಲು ಮೊದಲಾದವನ್ನು) ಕಾದಿರು.
ರಕ್ಷಣೆ ಕೊಡು; ಕಾಪಿಡು.
(ಅಪಾರ್ಥವಾಗದಂತೆ, ದುರುಪಯೋಗವಾಗದಂತೆ, ವಿವರಣೆಗಳಿಂದ ಯಾ ಕರಾರು ಕಟ್ಟಳೆಗಳು, ಮೊದಲಾದವುಗಳಿಂದ) ಭದ್ರಪಡಿಸು; ರಕ್ಷಣೆ ಕಲ್ಪಿಸು.
(ವೈದ್ಯಶಾಸ್ತ್ರ) ಕಾಪಿನೌಷಧಿ ಕೊಡು; ರಕ್ಷಕೌಷಧಿ ನೀಡು; ಔಷಧದೊಡನೆ ದೋಷನಿವಾರಕಗಳನ್ನು ಸೇರಿಸಿ ಕೊಡು.
(ಆಲೋಚನೆ, ಮಾತು, ಮೊದಲಾದವನ್ನು) ಹತೋಟಿಯಲ್ಲಿಡು; ನಿಯಂತ್ರಣದಲ್ಲಿಡು; ಹಿಡಿತದಲ್ಲಿಟ್ಟುಕೊ: he that guards his mouth keeps his life ಬಾಯಿ ಹಿಡಿತದಲ್ಲಿಟ್ಟುಕೊಂಡವನು ಬದುಕಿ ಉಳಿದಾನು.
ಅಕರ್ಮಕ ಕ್ರಿಯಾಪದ
(ಕತ್ತಿವರಿಸೆ) ಕಾಪಿನ ವರಿಸೆ ಬಳಸು; ಏಟು ತಪ್ಪಿಸಿಕೊ.
(ಯಾವುದರದೇ ವಿರುದ್ಧ) ಎಚ್ಚರಿಕೆ ವಹಿಸು; ಮುಂಜಾಗ್ರತಾಕ್ರಮ ಕೈಕೊಳ್ಳು.
(ಚದುರಂಗ) ಕಾಪುಕೊಡು; (ಒಂದು ಕಾಯನ್ನು ಯಾ ಪೇದೆಯನ್ನು ಮತ್ತೊಂದರಿಂದ) ರಕ್ಷಿಸು.
(ಇಸ್ಪೀಟು) ಕಾಪೆಲೆ – ಇಳಿ, ಎಸೆ; ಎಲೆಯೊಂದನ್ನು ರಕ್ಷಿಸಲು ಇನ್ನೊಂದು ಎಲೆ ಹಾಕು.