1draw
ಡ್ರಾ
ಕ್ರಿಯಾಪದ
(ಭೂತರೂಪ drew, ಭೂತಕೃದಂತ drawn).
ಸಕರ್ಮಕ ಕ್ರಿಯಾಪದ
- (ನೀರಿನ ಮೇಲೆ ದೋಣಿಯನ್ನು, ಮುಖದ ಮೇಲೆ ಹ್ಯಾಟನ್ನು, ಸೊಂಟದಲ್ಲಿ ಬಿಗಿಯಾಗಿ ನಡುಪಟ್ಟಿಯನ್ನು, ಕಾಗದದ ಮೇಲೆ ಪೆನ್ನನ್ನು, ಏಕಾಂತವಾಗಿ ಮಾತಾಡಲು ಸ್ನೇಹಿತನನ್ನು ಒತ್ತಟ್ಟಿಗೆ) ಎಳೆ; ಸೆಳೆ; ಎಳೆದುಕೊ.
- (ನೇಗಿಲು, ಬಂಡಿ, ಹೊರ, ಮೊದಲಾದವನ್ನು) ಎಳೆ; ಎಳೆದುಕೊಂಡು ಹೋಗು; ತುಯ್ಯು.
- (ಚರಿತ್ರೆ) (ಅಪರಾಧಿಯನ್ನು ಚೌಕಟ್ಟಿನ ಮೇಲೆ ಕೂರಿಸಿ ವಧ್ಯಸ್ಥಾನಕ್ಕೆ) (ಕುದುರೆಬಾಲಕ್ಕೆ ಕಟ್ಟಿ ಯಾ ಗಲ್ಲು ಚೌಕಟ್ಟಿನ ಮೇಲೆ ದರದರನೆ) ಎಳೆದುಕೊಂಡುಹೋಗು; ಎಳೆದೊಯ್ಯು; ಸೆಳೆದೊಯ್ಯು.
- ಕಿರಿದು ಮಾಡಿಕೊ; ಚಿಕ್ಕದುಮಾಡಿಕೊ; ಸೊಟ್ಟ ಮಾಡಿಕೊ; ಸೊಟ್ಟಮಾಡು: with drawn face ಮುಖ ಚಿಕ್ಕದು ಮಾಡಿಕೊಂಡು.
- (ಬಲೆ) ಮೇಲಕ್ಕೆಳೆ; ಮೇಲಕ್ಕೆಳೆದುಕೊ; ಮೇಲಕ್ಕೆ ಜಗ್ಗು.
- (ಬಿಲ್ಲು) ಬಗ್ಗಿಸು; ಜಗ್ಗಿಸು; ಬಾಗಿಸು; ಹೆದೆ ಏರಿಸು.
- ಎಳೆದು ತಡೆ; ಬಿಗಿಮಾಡು; ನಿರೋಧಿಸು.
- (ತೆರೆ, ಪರದೆ, ಬುರುಕಿ) ಎಳೆ; ಎಳೆದು ಬಿಚ್ಚು ಯಾ ಮುಚ್ಚು.
- (ಬೋಲ್ಸ್ ಆಟ) ಉದ್ದಿಷ್ಟ ಜಾಗಕ್ಕೆ (ಚೆಂಡು ಸುತ್ತಿಕೊಂಡು ಯಾ ವಕ್ರಾಕಾರವಾಗಿ) ಹೋಗುವಂತೆ ಮಾಡು, ಉರುಳಿಸು.
- (ಕ್ರಿಕೆಟ್) ಚೆಂಡನ್ನು (ಬಲಗೈ ಆಟಗಾರ) ಎಡಗಡೆಗೆ, (ಎಡಗೈ ಆಟಗಾರ) ಬಲಗಡೆಗೆ ಹೋಗುವಂತೆ (ಬ್ಯಾಟಿನಿಂದ) ಹೊಡೆ.
- (ಗಾಲ್, ಬಲಗೈ ಆಟಗಾರನ ವಿಷಯದಲ್ಲಿ) ಚೆಂಡನ್ನು ತೀರ ಎಡಕ್ಕೆ ಹೊಡೆ.
- ಸೆಳೆ; ಆಕರ್ಷಿಸು: I felt drawn to him ನಾನು ಅವನಿಂದ ಆಕರ್ಷಿತನಾದೆ.
- (ತನ್ನ ಯಾ ಒಂದರ ಕಡೆ) ಎಳೆ; ಸೆಳೆ: draw his attention ಅವನ ಗಮನವನ್ನು ಸೆಳೆ. draw customers ಗಿರಾಕಿಗಳನ್ನು ಆಕರ್ಷಿಸು.
- ಹೀರು; ಸೆಳೆದುಕೊ; ಒಳಕ್ಕೆ ಎಳೆದುಕೊ: draw a deep breath ನೀಳವಾಗಿ ಉಸಿರನ್ನು ಎಳೆದುಕೊ.
- ಮಾಡಲು ಒಲಿಸು; ಪ್ರೇರೇಪಿಸು; ಪ್ರತ್ತಗೊಳಿಸು; ಪುಸಲಾಯಿಸು: him into talk ಅವನನ್ನು ಮಾತುಕತೆಗೆ ಎಳೆ, ಪ್ರೇರೇಪಿಸು.
- ಉಂಟುಮಾಡು; ಆಗಿಸು; ತರು: draw comment ಟೀಕೆ ತರು; ಟೀಕೆಗೆ ಒಳಪಡಿಸು. draw ruin upon oneself ತನ್ನ ಮೇಲೆ ತಾನೇ ಹಾನಿ ತಂದುಕೊ.
- (ಬಿರಡೆ, ಹಲ್ಲು, ಬಂದೂಕದ ಗುಂಡು, ಮೊಳೆ, ಆಟದ ಕೊನೆಯಲ್ಲಿ ನೆಲದಿಂದ ಕ್ರಿಕೆಟ್ಟಿನ ವಿಕೆಟ್ಟುಗಳು, ಪ್ಯಾಕಿನಿಂದ ಇಸ್ಪೀಟೆಲೆ, ಕೋಶದಿಂದ ಪಿಸ್ತೂಲು; ಒರೆಯಿಂದ ಕತ್ತಿ, ಪೆಟ್ಟಿಗೆಯಿಂದ ಲಾಟರಿಚೀಟಿ ಇವನ್ನು) ಹೊರಕ್ಕೆ ಎಳೆ; ಹೊರ ತೆಗೆ; ಹೊರಕ್ಕೆತ್ತು.
- (ನೆಲಗರಡಿ, ನರಿ, ಮೊದಲಾದವನ್ನು ಬಿಲದಿಂದ) ಹೊರಕ್ಕೆ ಎಳೆ; ಹೊರಡಿಸು.
- (ನೀರನ್ನು ಬಾವಿಯಿಂದ ಮೇಲಕ್ಕೆ) ಸೇದು; ಎಳೆ; ಜಗ್ಗು: draw water from the well ಬಾವಿಯಿಂದ ನೀರು ಸೇದು.
- (ಪಾತ್ರೆಯಿಂದ ದ್ರವ, ದೇಹದಿಂದ ರಕ್ತವನ್ನು) ಹೊರಹರಿಸು; ಹೊರಬರಿಸು; ಹೊರತೆಗೆ; ನಿಷ್ಕಾಸಿಸು; ನಿಷ್ಕಾಸಗೊಳಿಸು.
- (ಕಷಾಯ, ಸಾರ) ಇಳಿಸು; ತೆಗೆ; ಹಿಂಡು: draw the tea ಚಹದ ಕಷಾಯ ಇಳಿಸು. oil newly drawn ಹೊಸದಾಗಿ ಹಿಂಡಿ ತೆಗೆದ ಎಣ್ಣೆ.
- (ಪೋಲ್ಟೀಸಿನ ವಿಷಯದಲ್ಲಿ) (ಕೀವು ಮೊದಲಾದವನ್ನು) ಹೀರಿಕೊ; ಹೀರು; ತೆಗೆ.
- (ಒಂದು ಮೂಲದಿಂದ) ತೆಗೆ; ತೆಗೆದುಕೊ; ಪಡೆ; ಪಡೆದುಕೊ: draw one’s salary ಸಂಬಳ ಪಡೆ; ಪಗಾರ ತೆಗೆದುಕೊ.
- (ಇಸ್ಪೀಟು) (ಎಲೆಗಳನ್ನೆಲ್ಲ) ಆಡಿಸಿಬಿಡು; ಉದುರಿಸಿಬಿಡು; ಬೀಳಿಸಿಬಿಡು: all the trumps ತುರುಫನ್ನೆಲ್ಲ ಉದುರಿಸಿ ಬಿಡು.
- (ಗೂಢವಾಗಿರುವುದನ್ನು) ಹೊರ ಸೆಳೆ; ಹೊರಡಿಸು; ಹೊರಪಡಿಸು; ಹೊರಬರಿಸು; ಪ್ರಕಟಪಡಿಸು.
- (ಸುದ್ದಿ, ಸಹಜಶಕ್ತಿ, ಕೋಪ, ಮೊದಲಾದವನ್ನು ವ್ಯಕ್ತಿ) ಹೊರಪಡಿಸುವಂತೆ ಮಾಡು; ಪ್ರಕಟಿಸುವಂತೆ ಮಾಡು.
- (ತೀರ್ಮಾನವನ್ನು) ಊಹಿಸು; ತರ್ಕಿಸು; ಅನುಮಾನಿಸು.
- (ಒಂದರಿಂದ ಯಾವುದೇ ವಸ್ತುವನ್ನು) ಹೊರಕ್ಕೆಳೆ; ಹೊರತೆಗೆ; ಹೀರು; ಬರಿದುಮಾಡು; ಕಾಲಿ ಮಾಡು: calf draws cow ಕರು ಹಸುವಿನ ಕೆಚ್ಚಲು ಹೋರುತ್ತದೆ, ಬರಿದುಮಾಡುತ್ತದೆ.
- ಕರುಳು – ಕೀಳು, ತೆಗೆ, ಹಿರಿ: draw fowl (ಅಡುಗೆಗೆ ಮುಂಚೆ) ಕೋಳಿಯ ಕರುಳು ಹಿರಿ.
- (ಬೇಟೆ) (ಗೊತ್ತನ್ನು, ಅಡಗುದಾಣವನ್ನು) ಪ್ರಾಣಿಗಾಗಿ ಹುಡುಕು, ಶೋಧಿಸು.
- ಲಂಬಿಸು; ಎಳೆ; ಉದ್ದಮಾಡು: long drawn agony ದೀರ್ಘ ಕಾಲದ ವೇದನೆ; ಬಹುಕಾಲದ ನೋವು.
- (ನೇಗಿಲಿನ ಗೆರೆ, ರೇಖಾಚಿತ್ರ, ರೇಖೆ) ಎಳೆ; ಗುರುತಿಸು.
- ರೇಖಿಸು; ಚಿತ್ರಿಸು; ರೇಖನದಿಂದ ಚಿತ್ರ ರಚಿಸು; ಗೆರೆಗಳನ್ನೆಳೆದು (ವಸ್ತುವಿನ) ಆತಿ ರೂಪಿಸು.
- ವರ್ಣಿಸು; ಶಬ್ದಗಳಲ್ಲಿ ನಿರೂಪಿಸು; ಪದಗಳಲ್ಲಿ ಚಿತ್ರಿಸು: draw a character ಪಾತ್ರವನ್ನು ನಿರೂಪಿಸು.
- (ದಸ್ತಾವೇಜು) ಕಾಯಿದೆ ಬದ್ಧರೂಪದಲ್ಲಿ – ಬರೆ, ತಯಾರಿಸು, ರಚಿಸು: draw a deed of gift ದಾನಪತ್ರ ಬರೆ.
- (ಹೋಲಿಕೆಗಳನ್ನು, ತಾರತಮ್ಯಗಳನ್ನು) ಸೂತ್ರೀಕರಿಸು; ನಿರೂಪಿಸು: draw distinctions (ಪರಸ್ಪರ) ಭೇದ ನಿರೂಪಿಸು; ವ್ಯತ್ಯಾಸ ತೋರಿಸು.
- (ಖಾಸಗಿ ಬ್ಯಾಂಕರು, ಬ್ಯಾಂಕು, ಮೊದಲಾದವಕ್ಕೆ ಬಿಲ್ಲು, ಚೆಕ್ಕು, ಹುಂಡಿ) ಬರೆ.
- (ಹಡಗಿನ ವಿಷಯದಲ್ಲಿ) ತೇಲಲು ನಿರ್ದಿಷ್ಟ ಆಳ ಬೇಕಾಗಿರು: the ship draws 20ft. of water ಹಡಗಿಗೆ ತೇಲಲು 20 ಅಡಿ ಆಳನೀರು ಬೇಕು.
- (ಆಟವನ್ನು, ಯುದ್ಧವನ್ನು) ನಿರ್ಣಯವಾಗದೆಯೇ ಮುಗಿಸು; ತೀರ್ಮಾನಿಸಲಾಗದೆ ಕೈಬಿಡು; ಸಮ ಮಾಡಿಕೊ: (ಗೆಲ್ಲಲೂ ಆಗದೆ ಸೋತೂ ಹೋಗದೆ) ಸಮಸಮ ಮಾಡಿಕೊ.
- ಎಳೆ; ಲೋಹದ ಚೂರನ್ನು ಒಂದಾದ ಮೇಲೊಂದರಂತೆ ಸಣ್ಣದಾಗುತ್ತ ಹೋಗುವ ತೂತುಗಳ ಮೂಲಕ ಎಳೆದು ತಂತಿ ಮಾಡು: draw wire ಕಂಬಚ್ಚಿನಲ್ಲಿ ತಂತಿ ಎಳೆ; ಕ್ರಮವಾಗಿ ಕಿರಿದಾಗುವ ತೂತುಗಳ ಮೂಲಕ ಲೋಹದ ಕಂಬಿ ಎಳೆದು ತಂತಿ ತಯಾರಿಸು.
- (ಲಾಟರಿ, ಚೀಟಿ – ಎತ್ತುವ ಮೂಲಕ) ಪಡೆ; ಆರಿಸು; ಆಯು: draw the winner ಗೆಲ್ಲುವ ಚೀಟಿ ಆಯು: the jury is drawn fairly ಚೀಟಿ ಹಾಕಿ ನ್ಯಾಯದರ್ಶಿಗಳನ್ನು ಸರಿಯಾಗಿ ಆಯ್ಕೆ ಮಾಡಲಾಗಿದೆ.
- (ಬೆಂಕಿಯಿಂದ) ಕೆಂಡ ತೆಗೆ.
ಅಕರ್ಮಕ ಕ್ರಿಯಾಪದ
- ಗಾಳಿ ಎಳೆದುಕೊ; ಗಾಳಿ – ಸೆಳೆ, ಹೀರು: the pipe draws well ಚಿಲುಮೆ ಗಾಳಿಯನ್ನು ಚೆನ್ನಾಗಿ ಸೆಳೆಯುತ್ತದೆ.
- (ಒಂದು ಕೇಂದ್ರದ ಸುತ್ತ) ನೆರೆ; ಸೇರು; ಕೂಡು: draw round the table ಮೇಜಿನ ಸುತ್ತ ನೆರೆ.
- ಚೀಟಿ ಎತ್ತು; ಲಾಟರಿ ಎತ್ತು; ಸೋಡತಿ ತೆಗೆ.
- (ಕಷಾಯದ, ಸಾರದ ವಿಷಯದಲ್ಲಿ) ಇಳಿ; ತೆಗೆ; ಹಿಂಡು: the tea draws ಚಹದ ಕಷಾಯ ಇಳಿಯುತ್ತದೆ.
- (ಒಂದು ಮೂಲದಿಂದ) ಬರು: tax draws well ತೆರಿಗೆ ಚೆನ್ನಾಗಿ ಬರುತ್ತಿದೆ.
- (ನೌಕಾಯಾನ) (ಹಾಯಿ ಪಟದ ವಿಷಯದಲ್ಲಿ) ಗಾಳಿಯಿಂದ ಉಬ್ಬಿಕೊ.
- ರೇಖಿಸು: ಗೆರೆ ಎಳೆದು ಚಿತ್ರ ರೂಪಿಸು; ರೇಖಾಚಿತ್ರಣ ಮಾಡು.
- (ತನ್ನದೇ ಪ್ರತಿಭೆ, ಶಕ್ತಿ, ಮೊದಲಾದವುಗಳ) ಸಹಾಯ – ಕೋರು, ಅವಲಂಬಿಸು.
- (ವ್ಯಕ್ತಿ, ಅವನ ನಂಬಿಕೆ, ಅವನ ನೆನಪು, ಮೊದಲಾದವುಗಳನ್ನು ಬಳಸಿಕೊಂಡು ಸಹಾಯ, ಹಣ ಸೇವೆ ಮೊದಲಾದವನ್ನು) ಕೋರು; ಬೇಡು: draw on me for any help you need ನಿನಗೆ ಏನು ಸಹಾಯ ಬೇಕಾದರೂ ನನ್ನನ್ನು ಕೋರು.
- (ಕಡೆಗೆ, ಹತ್ತಿರಕ್ಕೆ, ದೂರಕ್ಕೆ, ಹಿಂದಕ್ಕೆ) ಬರು; ಹೋಗು; ಸರಿ; ಚಲಿಸು; ಮುಟ್ಟು; ತಲಪು; ಹತ್ತಿರವಾಗು: the year is drawing to an end ವರ್ಷ ಕೊನೆಮುಟ್ಟುತ್ತಿದೆ. the examinations are drawing near ಪರೀಕ್ಷೆಗಳು ಹತ್ತಿರವಾಗುತ್ತಿವೆ.
- ಕತ್ತಿ ಹಿರಿ; ಕತ್ತಿ ಎಳೆ.
- ಪಿಸ್ತೂಲು ಹೊರತೆಗೆ.
- (ಆಟ, ಯುದ್ಧ) ಸಮವಾಗು; ಸರಿಸಮವಾಗು; ಯಾರೂ ಗೆಲ್ಲದೆ ಯಾ ಸೋಲದೆ ಆಗು.
- (ರೇಸಿನಲ್ಲಿ)
- ಮುಂದಾಗು.
- ಸಮಕ್ಕೆ ಬರು.
- ಹತ್ತಿರಕ್ಕೆ ಬರು.
ಪದಗುಚ್ಛ
- draw at ಚಿಲುಮೆ ಸೇದು; ಚಿಲುಮೆಯಿಂದ ಹೊಗೆಯನ್ನು ಸೇದು.
- draw cloth (ಊಟವಾದ ಮೇಲೆ) ಮೇಜನ್ನು ಚೊಕ್ಕಟ ಮಾಡು.
- draw inspiration ಸೂರ್ತಿಪಡೆ.
- draw person’s fire ಒಬ್ಬನ ಮೇಲೆ ಹಾರಿಸಿದ ಗುಂಡನ್ನು ಬೇರೆಡೆಗೆ ತಿರುಗಿಸು.
- draw straws (ಚೀಟಿಗಳಿಗೆ ಬದಲು) ಸಮವಲ್ಲದ ಹುಲ್ಲುಕಡ್ಡಿಗಳನ್ನು ಬಳಸಿ ಲಾಟರಿ ಎತ್ತು.
- draw stumps (ಕ್ರಿಕೆಟ್) (ವಿಕೆಟ್ಟುಗಳನ್ನು ಕಿತ್ತು) ಕ್ರಿಕೆಟ್ ಆಟ ಮುಗಿಸು, ಕೊನೆಗೊಳಿಸು.
- draw taut ಎಳೆದು ಬಿಗಿಯಾಗು: the rope drew taut ಹಗ್ಗ ಎಳೆದು ಬಿಗಿಯಾಯಿತು.
- draw well ಚೆನ್ನಾಗಿ ಎಳೆ; ಸರಾಗವಾಗಿ ಎಳೆದುಕೊಳ್ಳಲು, (ಚಿಲುಮೆಯ ವಿಷಯದಲ್ಲಿ) ಸೇದಲು, ಅನುಕೂಲವಾಗಿರು: the pipe draws well ಈ ಚಿಲುಮೆ (ಸುಲಭವಾಗಿ) ಸೇದಲು ಅನುಕೂಲವಾಗಿದೆ.
- hanged, drawn and quartered (ಅಪರಾಧಿಯ ವಿಷಯದಲ್ಲಿ) ನೇಣುಹಾಕಿ, ಕರುಳು ಬಗೆದು, ಅಂಗಾಂಗ ಕತ್ತರಿಸಿ ಹಾಕಿದ.
- with drawn face ಮುಖ ಸೆಟೆಸಿ; ಮುಖ ಸೊಟ್ಟಗೆ ಮಾಡಿಕೊಂಡು; ಸಿಂಡರಿಸಿಕೊಂಡು.
ನುಡಿಗಟ್ಟು
- at daggers drawn ಕತ್ತಿ ಹಿರಿದು; ಪ್ರತ್ಯಕ್ಷವಾಗಿ ದ್ವೇಷ ತಳೆದು.
- draw a bead on (ಬಂದೂಕಿನಿಂದ) ಗುರಿ ಇಡು.
- draw (a) blank
- ಸೊನ್ನೆ ಚೀಟಿ ಎತ್ತು; ಬೆಲೆಯಿಲ್ಲದ್ದನ್ನು ಪಡೆ.
- (ಬೇಟೆಯ ಪ್ರಾಣಿಯ ವಿಷಯದಲ್ಲಿ) ಹುಡುಕಿದ್ದು ಪಡೆಯದೆ ಹೋಗು.
- ಬರಿಗೈಯಲ್ಲಿ ಹೋಗು; ಅಯಶಸ್ವಿಯಾಗು.
- ಪ್ರತಿಕ್ರಿಯೆ, ಉತ್ತರ – ಪಡೆಯದೆ ಹೋಗು.
- draw a bow at a venture ಗುರಿಗೆ ಹೇಗೋ ತಗಲುವಂತೆ ಆಕಸ್ಮಿಕ ಟೀಕೆಮಾಡು.
- draw a cover (or convert) ನರಿಯನ್ನು ಬೆದರಿಸಿ ಹೊರಹೊಡಿಸಲು ಬೇಟೆ ನಾಯಿಗಳನ್ನು ಅದರ ಗೊತ್ತಿಗೆ, ಮರೆಗೆ ಕಳುಹಿಸು.
- draw a distinction between ಭೇದ ತೋರಿಸು; ವ್ಯತ್ಯಾಸ ಗುರುತಿಸು.
- draw a line ಗೆರೆ ಹಾಕು; ಎಲ್ಲೆ ಕಲ್ಪಿಸು; ಗಡಿ ಹಾಕು; (ಪರಸ್ಪರ ಬೆರೆತುಹೋಗುವ ಸಂಭವವಿರುವ ವಿಷಯಗಳಲ್ಲಿ) ಇಷ್ಟಬಂದ ಯಾವುದೋ ಗಡಿಹಾಕು: the courts must draw a line between the right of free speech and genuine subversive utterance ವಾಕ್ಸ್ವಾತಂತ್ರ್ಯದ ಹಕ್ಕಿಗೂ ನಿಜವಾಗಿ ಬುಡಮೇಲು ಮಾಡುವ ಭಾಷಣಕ್ಕೂ ನಡುವಣ ಗಡಿಯನ್ನು ನ್ಯಾಯಸ್ಥಾನಗಳು ನಿರ್ಧರಿಸಬೇಕು.
- draw a long bow ಉತ್ಪ್ರೇಕ್ಷಿಸು.
- draw a parallel, comparison, analogy (between) ಹೋಲಿಕೆ ತೋರಿಸು; ಸಾಶ್ಯ, ಸಾಮ್ಯ – ತೋರಿಸು.
- draw a veil over (ಒಂದರ ಮೇಲೆ) ಮುಸುಕೆಳೆ; ಮುಚ್ಚಿಡು; ಗೋಪ್ಯಮಾಡು.
- draw back (ಕೈಗೊಂಡ ಕೆಲಸದಿಂದ) ಹಿಮ್ಮೆಟ್ಟು; ಹಿಂಜರಿ.
- draw bit, bride, rein
- ಕಡಿವಾಣ ಯಾ ಲಗಾಮು ಎಳೆದು ಕುದುರೆಯನ್ನು ತಡೆ, ನಿಲ್ಲಿಸು.
- ಬಿಗಿ ಹಿಡಿ; ಸಂಯಮ ತೋರು; ನಿಗ್ರಹಿಸು; ತನ್ನನ್ನು ತಾನೇ ಅಂಕೆಯಲ್ಲಿಟ್ಟುಕೊ.
- draw blood
- ರಕ್ತ ಬರಿಸು; ದೇಹವನ್ನು ಗಾಯಗೊಳಿಸು.
- ಮನಸ್ಸನ್ನು ನೋಯಿಸು: he drew blood when he ridiculed us for our failure ನಮ್ಮ ಸೋಲಿಗಾಗಿ ನಮ್ಮನ್ನವನು ಅಪಹಾಸ್ಯ ಮಾಡಿದಾಗ ನಮ್ಮ ಮನಸ್ಸನ್ನು ನೋಯಿಸಿದ.
- draw cuts (ಲಾಟರಿ) ಚೀಟಿ ಎತ್ತು.
- draw down the curtain
- ನಾಟಕ ಮುಗಿಸು.
- ಜೀವನ ಕೊನೆಗಾಣಿಸು; ಬದುಕು ಮುಗಿಸು.
- draw in
- ಪುಸಲಾಯಿಸಿ ಸೆಳೆ; ಮರುಳುಮಾಡಿ – ಸೇರಿಸಿಕೊ, ಸಿಕ್ಕಿಸಿಕೊ; ಆಸೆ ಹುಟ್ಟಿಸಿ ವಶಮಾಡಿಕೊ; ಪ್ರಲೋಭನಗೊಳಿಸು; ವ್ಯಾಮೋಹಕ್ಕೊಳಪಡಿಸು.
- (ಹಗಲಿನ ವಿಷಯದಲ್ಲಿ) ಮುಗಿಯುತ್ತ ಬರು.
- (ಹಗಲು) ದಿನೇದಿನೇ ಕಡಮೆಯಾಗು.
- draw in one’s expenditure ಖರ್ಚು ತಗ್ಗಿಸು; ವೆಚ್ಚ ಕಡಿಮೆ ಮಾಡು; ಖರ್ಚು ಕತ್ತರಿಸು; ವೆಚ್ಚ ಕಡಿ.
- draw in one’s horns ಹಿಂದಿಗಿಂತ ಜಾಗರೂಕವಾಗಿರು: he had better draw in his horns if he wants to keep out of trouble ತೊಂದರೆಯಿಂದ ದೂರ ಇರಬೇಕೆಂದರೆ ಅವನು ಹಿಂದಿಗಿಂತ ಜಾಗರೂಕನಾಗಿರಬೇಕು.
- draw it fine (ತಾರತಮ್ಯ ಮೊದಲಾದವನ್ನು ನಿರ್ಣಯಿಸುವುದರಲ್ಲಿ) ತೀರ ಖಚಿತವಾಗಿರು; ಬಹಳ ನಿಷ್ಕೃಷ್ಟವಾಗಿರು; ಬಹಳ ಕರಾರುವಾಕ್ಕಾಗಿರು.
- draw it mild ಅತಿ ಮಾಡಬೇಡ; ಉತ್ಪ್ರೇಕ್ಷೆ ಮಾಡಬೇಡ; ಹಾಳತದಲ್ಲಿರು.
- draw off
- (ಸೇನೆಯನ್ನು) ಹಿಂದಕ್ಕೆ – ಕರೆ, ಕರೆಸಿಕೊ.
- (ಸೇನೆ) ಹಿಂದಕ್ಕೆ – ಬರು, ಸರಿ, ಹೋಗು.
- (ಕೈಗವಸು, ಬೂಟ್ಸು, ಮೊದಲಾದವನ್ನು) ಕಳಚಿಹಾಕು.
- draw on
- ಉಂಟುಮಾಡು ಯಾ ಉಂಟಾಗು.
- ಮರುಳುಮಾಡಿ ಸೆಳೆ; ಆಕರ್ಷಿಸು; ಪುಸಲಾಯಿಸಿ – ಸೇರಿಸಿಕೊ, ಸಿಕ್ಕಿಸಿಕೊ.
- ಆಧಾರ ಯಾ ಆಕರವಾಗಿ ಅವಲಂಬಿಸು: drawing on the Bible for authority ಆಧಾರಗ್ರಂಥವಾಗಿ ಬೈಬಲ್ಲನ್ನು ಅವಲಂಬಿಸಿ.
- ಹತ್ತಿರ ಬರು; ಬಳಿಸಾರು; ಸಈಪಿಸು: he felt death drawing on ಸಾವು ಹತ್ತಿರವಾಗುತ್ತಿದೆಯೆಂದು ಅವನಿಗೆ ಅರಿವಾಯಿತು.
- (ಕೈಗವಸು, ಬೂಟ್ಸು, ಮೊದಲಾದವನ್ನು) ಹಾಕಿಕೊ; ತೊಡು.
- ಒಯ್ಯು; ತರು.
- draw one’s first breath ಮೊದಲುಸಿರೆಳೆ; ಹುಟ್ಟು.
- draw one’s last breath ಕಡೆಯುಸಿರೆಳೆ; ಕೊನೆಯುಸಿರೆಳೆ; ಸಾಯು.
- draw one’s sword against ಮೇಲೆ ಬೀಳು; ಎರಗು; ಆಕ್ರಮಣಮಾಡು.
- draw one’s time (ಮುಖ್ಯವಾಗಿ ಒತ್ತಡಕ್ಕೊಳಗಾಗಿ) ತನ್ನ ಹುದ್ದೆಯನ್ನು ಬಿಟ್ಟುಬಿಡು: get to work or draw your time right now ಕೆಲಸದಲ್ಲಿ ತೊಡಗು, ಇಲ್ಲವೆ ಈಗಲೇ ನಿನ್ನ ಹುದ್ದೆ ಬಿಟ್ಟು ಬಿಡು.
- draw on one’s imagination ಕಲ್ಪಿತವಾದ ಯಾ ಸುಳ್ಳು ಹೇಳಿಕೆಗಳನ್ನು ಕೊಡು.
- draw on one’s memory
- ನೆನಪಿಗೆ ತಂದುಕೊಳ್ಳಲು ಯತ್ನಿಸು.
- ನೆನಪಿಗೆ ಬಂದದ್ದನ್ನು ಬಳಸು.
- draw out
- (ಸೈನ್ಯವನ್ನು) ಹೊರಕ್ಕೆ ಒಯ್ಯು.
- (ಸೇನೆಯ ತುಕಡಿಯನ್ನು) ಬೇರ್ಪಡಿಸು; ಪ್ರತ್ಯೇಕಿಸು.
- (ಸೇನೆಯ) ವ್ಯೂಹ ರಚಿಸು: ಸಾಲುಕಟ್ಟಿ ನಿಲ್ಲಿಸು.
- ಕಾಲ – ಎಳೆ, ಲಂಬಿಸು.
- (ಒಬ್ಬನ) ಮನಸ್ಸಿನಲ್ಲಿರುವುದನ್ನು ಹೊರಡಿಸು, ಹೊರಪಡಿಸು.
- (ವ್ಯಕ್ತಿಯನ್ನು) ಮಾತಾಡುವಂತೆ, ಬಾಯಿಬಿಡುವಂತೆ – ಮಾಡು; ಮಾತನಾಡಲು – ಮನವೊಲಿಸು. ಪ್ರೇರೇಪಿಸು.
- (ದಸ್ತಾವೇಜು ಮೊದಲಾದವನ್ನು) ಕಾಯಿದೆಬದ್ಧ ರೂಪದಲ್ಲಿ – ಬರೆ, ತಯಾರಿಸು.
- (ಹಗಲು) ನೀಳವಾಗುತ್ತಾ ಹೋಗು.
- ನೀಳಮಾಡು; ಉದ್ದವಾಗಿಸು; ದೀರ್ಘವಾಗಿಸು: ದೀರ್ಘವಾಗಿಸು: the argument was long drawn out ವಾದ ಬಹಳ ದೀರ್ಘವಾಗಿ ಬೆಳೆಯಿತು.
- (ರೈಲು ಮೊದಲಾದವುಗಳ ವಿಷಯದಲ್ಲಿ) ನಿಲ್ದಾಣವನ್ನು ಬಿಡು.
- draw the fangs ನಿರುಪದ್ರವಿಯಾಗಿಸು; ನಿಷ್ಪರಿಣಾಮಗೊಳಿಸು: this forthright answer drew the fangs of his criticism ಈ ನೇರವಾದ ಉತ್ತರ ಆತನ ಟೀಕೆಯನ್ನು ನಿಷ್ಪರಿಣಾಮಗೊಳಿಸಿತು.
- draw the line (ತನ್ನ ಸಹನೆ, ಇಷ್ಟ, ಮೊದಲಾದವುಗಳ) ಮಿತಿ ಗುರುತಿಸು: ಮಿತಿಹಾಕು: I am not intolerant but one must draw the line somewhere ನಾನೇನೂ ಅಸಹಿಷ್ಣುವಲ್ಲ, ಆದರೆ ಎಲ್ಲಾದಾರೂ ಒಂದು ಗೆರೆ ಎಳೆಯಲೇ ಬೇಕು.
- draw the line at ಮಿತಿಹಾಕು; ಅಷ್ಟು ದೂರ ಯಾ ಅಲ್ಲಿಂದಾಚೆ ಹೋಗಲು ನಿರಾಕರಿಸು, ಒಪ್ಪದಿರು.
- draw the long bow = ನುಡಿಗಟ್ಟು \((8)\).
- draw the temper (ಕಾಯಿಸುವುದರಿಂದ ಹದಮಾಡಿದ ಉಕ್ಕಿನ) ಹದ ಕಡಿಮೆಮಾಡು: ದುರ್ಬಲಗೊಳಿಸು.
- draw to a head ಪರಿಪಕ್ವಮಾಗು: ಅಂತಿಮ ಘಟ್ಟ ತಲಪು: the struggle for power drew to a head ಅಧಿಕಾರಕ್ಕಾಗಿ ನಡೆದ ಹೋರಾಟ ಅಂತಿಮ ಘಟ್ಟ ತಲಪಿತು.
- draw together
- ಒಂದಾಗಿಸು: only hatred shared drew them together ಇಬ್ಬರಿಗೂ ಇದ್ದ ದ್ವೇಷವೊಂದೇ ಅವರನ್ನು ಒಂದಾಗಿಸಿತು.
- ಒಂದಾಗು: sensible people will draw together to face a common danger ಸಮಾನವಾಗಿ ಇರುವ ಅಪಾಯ ಎದುರಿಸಲು ವಿವೇಕಿಗಳು ಒಂದಾಗುತ್ತಾರೆ.
- draw up
- ಸೆಟೆದು ನಿಲ್ಲು.
- ಬಿಗಿ ಮನೋಭಾವ ತಳೆ: she drew herself up and asserted that she would never sell her family house ಆಕೆ ಬಿಗಿ ಮನೋಭಾವ ತಳೆದು ತನ್ನ ಕುಟುಂಬದ ಮನೆಯನ್ನು ಎಂದಿಗೂ ಮಾರುವುದಿಲ್ಲವೆಂದು ಖಂಡಿತವಾಗಿ ಹೇಳಿಬಿಟ್ಟಳು.
- (ಸೇನೆಯನ್ನು) ಸುವ್ಯವಸ್ಥೆಗೊಳಿಸು.
- (ದಸ್ತಾವೇಜು ಮೊದಲಾದವನ್ನು) ಕಾಯಿದೆಬದ್ಧ ರೂಪದಲ್ಲಿ ಬರೆ, ತಯಾರಿಸು.
- ಸಮಕ್ಕೆ ಬರು; ಸರಿಯಾಗಿ (ಸ್ಥಳಕ್ಕೆ) ಬಂದು ನಿಲ್ಲು: the carriage drew up before the door ಗಾಡಿ ಸರಿಯಾಗಿ ಬಾಗಿಲ ಮುಂದೆ ಬಂದು ನಿಂತಿತು.
- (ಸೇನೆ) ಸುವ್ಯವಸ್ಥೆಗೆ ಬರು.
- draw upon ಆಧಾರ ಯಾ ಆಕರವಾಗಿ ಅವಲಂಬಿಸು.