2cut
ಕಟ್
ಕ್ರಿಯಾಪದ
(ವರ್ತಮಾನ ಕೃದಂತ cutting, ಭೂತರೂಪ ಮತ್ತು ಭೂತಕೃದಂತ cut).
- (ರೂಪಕವಾಗಿ ಸಹ) (ಚೂರಿ ಮೊದಲಾದವುಗಳಿಂದ) ಗಾಯಪಡಿಸು; ಕತ್ತರಿಸು: the knife cut his finger ಚೂರಿ ಅವನ ಬೆರಳನ್ನು ಗಾಯಪಡಿಸಿತು. he cut his finger with a knife ಅವನು ಚಾಕುವಿನಿಂದ ಬೆರಳನ್ನು ಕತ್ತರಿಸಿಕೊಂಡ.
- (ಚೂಪಾದ ವಸ್ತುವಿನಿಂದ) ಇರಿ; ಚುಚ್ಚು; ಒಳಹೊಗು.
- (ಚಾವಟಿ ಮೊದಲಾದವುಗಳಿಂದ ಕತ್ತರಿಸಿ ಹೋಗುವಂತೆ) ಬಲವಾಗಿ ಹೊಡೆ; ಪೆಟ್ಟುಕೊಡು.
- ಕತ್ತರಿಸುವ ಮೂಲಕ ಸಡಿಲಿಸು, ತೆರೆ: cut loose ಕತ್ತರಿಸಿ ಅಳ್ಳಕ ಮಾಡು.
- (ರೂಪಕವಾಗಿ) ಇರಿ; ಒಳಹೊಗು; ಮನಸ್ಸನ್ನು–ಚುಚ್ಚು, ಕುಟುಕು, ಗಾಯಗೊಳಿಸು; (ಮರ್ಮ) ಭೇದಿಸು: cutting retort ಮನಸ್ಸನ್ನು ಚುಚ್ಚುವ ಉತ್ತರ. it cut him to the heart ಅದು ಅವನ ಹೃದಯವನ್ನು ಇರಿಯಿತು.
- (ಚಳಿ, ಗಾಳಿ,ಮೊದಲಾದವು) ಮೈಕಡಿ; ಕೊರೆ: cutting wind ಕೊರೆಯುವ, ಕಡಿಯುವ ಗಾಳಿ.
- (ಚೂರಿ, ಕೊಡಲಿ ಮೊದಲಾದವುಗಳಿಂದ ತುಂಡುಗಳಾಗುವಂತೆ) ಛೇದಿಸು; ಒಡೆ; ಸೀಳು; ಬಿರುಕು ಬಿಡಿಸು; ಕತ್ತರಿಸು: cut the wood ಸೌದೆಸೀಳು; ಕಟ್ಟಿಗೆ ಒಡೆ.
- ಅಡ್ಡಹಾಯಿ; ಛೇದಿಸು; ಕತ್ತರಿಸು: the two lines cut each other ಎರಡು ಗೆರೆಗಳು ಒಂದನ್ನೊಂದು ಅಡ್ಡಹಾಯುತ್ತವೆ.
- (ಕೂಲಿ, ಬೆಲೆ, ಕಾಲ ಮೊದಲಾದವನ್ನು) ಕಡಿಮೆ ಮಾಡು; ಕೋತಮಾಡು; ಇಳಿಸು; ತಗ್ಗಿಸು.
- (ಕೆಲಸ, ಮಾತು, ಮೊದಲಾದವನ್ನು) ನಿಲ್ಲಿಸು.
- (ಮಾಂಸ, ಬ್ರೆಡ್ಡು, ತರಕಾರಿ ಮೊದಲಾದವನ್ನು) ಹೆಚ್ಚು; ಕೊಯ್ಯಿ; ತುಂಡು ಮಾಡು; ಹೋಳಾಗಿ ಕತ್ತರಿಸು.
- (ಉಡುಗೆ, ಗಾಜು, ವಜ್ರ, ಒಡವೆ, ಪ್ರತಿಮೆ ಮೊದಲಾದವುಗಳಿಗೆ) ರೂಪು ಕೊಡು; ಆಕಾರ ಕೊಡು; ನಿರ್ದಿಷ್ಟ ರೂಪದಲ್ಲಿ ಕತ್ತರಿಸು; ಒಂದು ಆಕಾರ ಕೊಡು.
- (ಹಳ್ಳ, ಕಾಲುವೆ ಮೊದಲಾದವನ್ನು) ಕೊರೆ; ತೋಡು; ಅಗೆ: cut a trench ಕಂದಕ ತೋಡು.
- (ಇಸ್ಪೀಟಾಟದಲ್ಲಿ) ಕಟ್ಟು ವಿಭಾಗಿಸು; ಕಲಸಿ ಒಟ್ಟೊಟ್ಟಿಗಿರುವ ಮೊತ್ತದಿಂದ ಒಂದು ಭಾಗವನ್ನು ಎತ್ತಿಡು.
- (ಇಸ್ಪೀಟಾಟದಲ್ಲಿ) ಕಟ್ಟಿನಿಂದ ಎಲೆಯನ್ನು ಎಳೆದು ತೆಗೆ.
- (ಕ್ರಿಕೆಟ್ ಮೊದಲಾದ ಆಟಗಳಲ್ಲಿ) ಕೊಚ್ಚು; ಚೆಂಡು ಗಿರ್ರನೆ ತಿರುಗುವಂತೆ ಹೊಡೆ.
- (ಪರಿಚಯಸ್ಥನನ್ನು) ಉದ್ದೇಶಪೂರ್ವಕವಾಗಿ ಗುರುತಿಸದಿರು; ಗುರುತು ಸಿಕ್ಕಿಲ್ಲವೆಂಬಂತೆ ವರ್ತಿಸು.
- (ರೂಪಕವಾಗಿ)(ಸಂಪರ್ಕ, ಸಂಬಂಧ, ಸಂಸರ್ಗ ಮೊದಲಾದವನ್ನು) ಕಡಿದುಹಾಕು; ವಿಚ್ಛೇದಿಸು; ತಪ್ಪಿಸು; ಕಳೆ; ಬಿಡು; ಬಿಡಿಸು; ತೊರೆ; ದೂರ ಮಾಡು; ಬೇರ್ಪಡಿಸು: his friends cut him as he became more and more popular ಅವನು ಜನಪ್ರಿಯನಾದಂತೆಲ್ಲಾ ಸ್ನೇಹಿತರು ಅವನನ್ನು ದೂರ ಮಾಡಿದರು.
- (ಚಲನಚಿತ್ರ) ಹಿಂದೃಶ್ಯ ತೋರಿಸು; ಆಗಲೇ ತೋರಿಸಿದ ದೃಶ್ಯವನ್ನು ಮತ್ತೊಮ್ಮೆ ತೋರಿಸು.
- (ತರಗತಿ, ಭಾಷಣ ಮೊದಲಾದವಕ್ಕೆ) ತಪ್ಪಿಸಿಕೊ; ಗೈರುಹಾಜರಾಗು; ಚಕ್ಕರ್ ಕೊಡು: cut a class ತರಗತಿಗೆ ತಪ್ಪಿಸಿಕೊ.
- (ಮರ, ದಾರು, ಮೊದಲಾದವನ್ನು) ಕತ್ತರಿಸು; ಕೆಡವು; ಕಡಿ; ಕತ್ತರಿಸಿ ತುಂಡುಮಾಡು; ಕಡಿದುಹಾಕು; ಉರುಳಿಸು.
- (ಗೋಧಿ, ಪೈರು, ಹುಲ್ಲು ಮೊದಲಾದವನ್ನು) ಕೊಯ್ಯು; ಕಟಾವು ಮಾಡು; ಕೊಯ್ದು ಸಂಗ್ರಹಮಾಡು; ಕತ್ತರಿಸು.
- (ಹೂಗಳನ್ನು) ಕೀಳು; ಬಿಡಿಸು.
- (ಜಮೀನಿನ ವಿಷಯದಲ್ಲಿ) ಬೆಳೆ ಕೊಡು; ಕುಯಿಲು ನೀಡು: that field cuts ten tons ಆ ಹೊಲ ಹತ್ತು ಟನ್ ಬೆಳೆ ಕೊಡುತ್ತದೆ.
- (ಕೂದಲು, ಉಗುರು, ಪೊದೆ ಮೊದಲಾದವನ್ನು) ಕತ್ತರಿಸು; ತುಂಡರಿಸು; ಕತ್ತರಿಸಿ ಮೊಟಕಿಸು.
- (ಪುಸ್ತಕ, ಭಾಷಣ ಮೊದಲಾದವನ್ನು) ಸಂಕ್ಷೇಪಿಸು; ಸಂಗ್ರಹಿಸು; ಸಣ್ಣದುಮಾಡು; ಕೆಲವು ಭಾಗಗಳನ್ನು ಬಿಟ್ಟು ಸಂಪಾದಿಸು.
- (ಹಾಳೆಗಳನ್ನು ತೆಗೆಯಲು ಸುಲಭವಾಗುವಂತೆ) ಪುಸ್ತಕದ ಅಂಚುಗಳನ್ನು ಕತ್ತರಿಸಿ ನೀಟುಮಾಡು.
- (ಪುಸ್ತಕದ ಅಚ್ಚಾದ ಹಾಳೆಗಳು, ನಕ್ಷೆಗಳು, ಚಿತ್ರಗಳು ಮೊದಲಾದವನ್ನು) ರಟ್ಟುಹಾಕಲು ಸರಿಹೋಗುವಂತೆ ಕತ್ತರಿಸು.
- (ರೇಡಿಯೋ, ಟೆಲಿವಿಷನ್ ಮೊದಲಾದವುಗಳಲ್ಲಿ)
- (ಒಂದು ದೃಶ್ಯ ಮೊದಲಾದವುಗಳ) ಪ್ರಸಾರ ನಿಲ್ಲಿಸಿಬಿಡು.
- (ಕ್ಲುಪ್ತಕಾಲಕ್ಕೆ ಸರಿಯಾಗಿ ಮುಗಿಯುವಂತೆ) ಕಾರ್ಯಕ್ರಮದ ಭಾಗ ಯಾ ಭಾಗಗಳನ್ನು ಬಿಟ್ಟುಬಿಡು, ಕತ್ತರಿಸಿಬಿಡು.
- (ಗಾಜಿನ ತಯಾರಿಕೆಯಲ್ಲಿ) ಅರೆದು ಉಜ್ಜಿ ಚಿತ್ತಾರ ಬರಿಸು.
- ಹಲ್ಲು–ಬರು,ಹುಟ್ಟು; ಹಲ್ಲು ಒಸಡಿನಿಂದ ಹೊರಕ್ಕೆ ಬರುವಂತಾಗು: he is cutting teeth ಅವನಿಗೆ ಹಲ್ಲುಬರುತ್ತಿದೆ.
- (ಅಮೆರಿಕನ್ ಪ್ರಯೋಗ)(ಮದ್ಯ, ಶ್ಲೇಷ್ಮ ಮೊದಲಾದವನ್ನು) ತೆಳುವಾಗಿಸು; ನೀರುಮಾಡು; ತೆಳುಗೊಳಿಸು; ಕರಗಿಸು; ದ್ರವೀಕರಿಸು: cut the phlegm ಶ್ಲೇಷ್ಮ ಕತ್ತರಿಸು. cut wine ವೈನನ್ನು ತೆಳು ಮಾಡು.
- (ದ್ರವದ ಹರಿವು, ಯಂತ್ರದ ಚಲನೆ ಮೊದಲಾದವನ್ನು) ಬಂದುಮಾಡು; ನಿಲ್ಲಿಸು: cut off the water ನೀರು ನಿಲ್ಲಿಸು, ಬಂದುಮಾಡು. the pilot cut the engine ಚಾಲಕ ಎಂಜಿನನ್ನು ನಿಲ್ಲಿಸಿದ.
- (ಆಡುಮಾತು) ಸಾಕುಮಾಡು; ನಿಲ್ಲಿಸು: cut the kidding ಕೀಟಲೆ ನಿಲ್ಲಿಸು.
- (ಚಲನಚಿತ್ರ ತಯಾರಿಕೆಯಲ್ಲಿ)
- ಚಿತ್ರೀಕರಣವನ್ನು ಯಾ ಕ್ಯಾಮರ ಚಾಲನೆಯನ್ನು ನಿಲ್ಲಿಸು.
- ಸಂಪಾದನಕಾರ್ಯ ಮಾಡು; ಪರಿಷ್ಕರಿಸು; ತಿದ್ದು; ಸಂಸ್ಕರಿಸು; ಒಪ್ಪಿಗೆಯಾಗದ ಭಾಗವನ್ನು ಕತ್ತರಿಸಿ ಮಿಕ್ಕಿದ್ದನ್ನು ಜೋಡಿಸು.
- ದೃಶ್ಯಾಂತರ ಮಾಡು; ಒಂದು ಚಿತ್ರ ಯಾ ದೃಶ್ಯದಿಂದ ಇನ್ನೊಂದಕ್ಕೆ ಶೀಘ್ರವಾಗಿ ಹೋಗು.
- ಗ್ರಾಮಹೋನ್ ತಟ್ಟೆಯ ಮೇಲೆ, ಟೇಪಿನ ಮೇಲೆ ಭಾಷಣ, ಸಂಗೀತ, (ಮೊದಲಾದವನ್ನು) ಧ್ವನಿ ಮುದ್ರಿಸು; ರೆಕಾರ್ಡ್ ಮಾಡಿಕೊ.
- (ಮೋಟಾರು ಯಾ ಎಂಜಿನ್ನಿನ ವಿಷಯದಲ್ಲಿ) ವೇಗ ಇಳಿಸು ಯಾ ನಿಲ್ಲಿಸಿಬಿಡು.
- (ಮೋಟಾರಿನ ವಿಷಯದಲ್ಲಿ)
- ಮುಂದಿರುವ ವಾಹನವನ್ನು ಹಿಂದೆ ಹಾಕಿ ಅಡ್ಡಗಟ್ಟು.
- ಎದುರು ಬದುರಾಗಿ ಹೋಗುತ್ತಿರುವ ಎರಡು ಬಂಡಿಗಳ ಮಧ್ಯೆ ನುಸುಳಿ ಹೋಗು.
- ಮುಂದಿರುವ ವಾಹನವನ್ನು ಹಿಂದೆ ಹಾಕಿ ಹೋಗುವಾಗ ಎದುರು ದಿಕ್ಕಿನಲ್ಲಿ ಬರುತ್ತಿರುವ ವಾಹನಕ್ಕೆ ತಡೆಯೊಡ್ಡು, ಅಡ್ಡಿಮಾಡು.
- (ಮೋಟಾರಿನ ವಿಷಯದಲ್ಲಿ) ತಡೆಸಂಕೇತ ನಿರ್ಲಕ್ಷಿಸಿ ನುಗ್ಗು: cut the red lights ಕೆಂಪುದೀಪ ಹೊತ್ತಿದ್ದರೂ ನಿಲ್ಲದೆ ನುಗ್ಗಿದ.
- ಹಿಡಮಾಡು; ಶೀಲ ಮಾಡು; ಬೀಜ ಒಡೆ.
- (ಮೂತ್ರಕೋಶದ ಕಲ್ಲನ್ನು ತೆಗೆಯಲು) ಮೂತ್ರಕೋಶ ತೂತುಮಾಡು.
- (ಪ್ರದರ್ಶನಕ್ಕಿಟ್ಟಿರುವ ಪ್ರಾಣಿಯಲ್ಲಿನ ದೋಷಗಳಿಗಾಗಿ) ಅಂಕಗಳನ್ನು ಕಳೆ.
- (ಅಮೆರಿಕನ್ ಪ್ರಯೋಗ)(ಪ್ರಾಣಿಯನ್ನು) ಹಿಂಡು ತಪ್ಪಿಸು; ಮಂದೆಯಿಂದ ಬೇರೆ ಮಾಡು.
- (ಸಂಸ್ಥೆ ಮೊದಲಾದವುಗಳಿಂದ ವ್ಯಕ್ತಿಯನ್ನು) ವಜಾಮಾಡು; ತೆಗೆದುಹಾಕು: the leader cut out two men from the team ನಾಯಕ ಇಬ್ಬರನ್ನು ತಂಡದಿಂದ ತೆಗೆದುಹಾಕಿದ.
- (ರೈಲುಬೋಗಿಗಳು, ವಾಹನ, ಮೊದಲಾದವನ್ನು) ಕಳಚು; ಬೇರ್ಪಡಿಸು; ಬೇರೆ ಮಾಡು; ಪ್ರತ್ಯೇಕಿಸು.
- (ಮೋಟಾರು ಗಾಡಿ ಮೊದಲಾದವುಗಳ) ದಿಕ್ಕು ಬದಲಿಸು; ತಿರುಗಿಸು: the driver cut the wheels sharply ಚಾಲಕ ಗಾಡಿಯ ದಿಕ್ಕನ್ನು ಒಮ್ಮೆಲೇ ಬದಲಾಯಿಸಿದ (ಗಾಡಿಯನ್ನು ತಿರುಗಿಸಿದ).
- (ದರೋಡೆಯಲ್ಲಿ ಬಂದುದನ್ನು) ಪಾಲುಮಾಡು; ಹಂಚು.
- (ನೀರು ಮೊದಲಾದವು) ನೆಲವನ್ನು ಕೊರೆ.
- ಖಂಡಿಸು; ಕಟು ವಿಮರ್ಶೆ ಮಾಡು; ತೀಕ್ಷ್ಣವಾಗಿ ಟೀಕೆಮಾಡು.
- (ಸಾಮಾನ್ಯವಾಗಿ ಕರ್ಮಣಿಪ್ರಯೋಗದಲ್ಲಿ) ಕ್ಲೇಶವುಂಟುಮಾಡು; ದುಃಖಕ್ಕೀಡು ಮಾಡು.
- ಉಪ್ಪುಹಾಕಿ ಒತ್ತರಿಸು; (ಲೀನವಾಗಿರುವ ಪ್ರೋಟೀನು, ಸಾಬೂನು ಮೊದಲಾದವನ್ನು ) ಹೆಚ್ಚು ಉಪ್ಪು ಕರಗಿಸುವ ಮೂಲಕ–ಗರಣೆ ಗಟ್ಟಿಸು, ಹೆಪ್ಪುಗಟ್ಟಿಸು.
- (ಗಾಲ್) ಕೊಚ್ಚು; ಚೆಂಡಿಗೆ ಕೊಚ್ಚು ಹೊಡೆತ ಹೊಡೆ.
- ಕುಡಿದು ಅಮಲೇರು.
- (ಅಮೆರಿಕನ್ ಪ್ರಯೋಗ) ಬೆರಕೆಮಾಡು; ಅಶುದ್ಧಗೊಳಿಸು; ಸಾರಗುಂದಿಸು.
- ಕತ್ತರಿಸಿ ಸಡಿಲಗೊಳಿಸು; ಕತ್ತರಿಸಿ ತೆರಪು ಮೊದಲಾದವನ್ನು ಮಾಡು.
- ಮಾಡು; ನಿರ್ವಹಿಸು; ನೆರವೇರಿಸು; ಕಾಣಿಸಿಕೊ; ತೋರು; ಹಾಕು; ನಡೆದುಕೊ; ನಡೆಸು; ವರ್ತಿಸು: cut a caper ವಿಚಿತ್ರವಾಗಿ ವರ್ತಿಸು. cut a sorry figure ನಿಕೃಷ್ಟವಾಗಿ ಕಾಣಿಸಿಕೊ ಯಾ ನಡೆದುಕೊ. cut a joke ಹಾಸ್ಯ ಮಾಡು.
ಅಕರ್ಮಕ ಕ್ರಿಯಾಪದ
- ಇರಿ; ಚುಚ್ಚು; ಒಳಹೊಗು.
- ಕತ್ತರಿಸು; ಗಾಯಗೊಳಿಸು: the scissors cut well ಕತ್ತರಿ ಚೆನ್ನಾಗಿ ಕತ್ತರಿಸುತ್ತದೆ.
- (ಚಾವಟಿ, ತೆಳುವಾದ ಕಡ್ಡಿ ಮೊದಲಾದವುಗಳಿಂದ ಕತ್ತರಿಸಿ ಹೋಗುವಂತೆ) ಏಟಾಗು; ಪೆಟ್ಟಾಗು; ಪೆಟ್ಟುಮಾಡು; ಹೊಡೆತಬೀಳು: whip cuts deep ಚಾವಟಿ ಬಲವಾಗಿ ಪೆಟ್ಟು ಮಾಡುತ್ತದೆ.
- ಸುಲಭವಾಗಿ ಕತ್ತರಿಸುವಂತಿರು: butter cuts easily ಬೆಣ್ಣೆಯನ್ನು ಸುಲಭವಾಗಿ ಕತ್ತರಿಸಬಹುದು.
- ಕತ್ತರಿಸುವ ಕೆಲಸದಲ್ಲಿ ತೊಡಗಿರು: the tailor is busy cutting ದರ್ಜಿ ಕತ್ತರಿಸುವುದರಲ್ಲಿ ನಿರತನಾಗಿದ್ದಾನೆ.
- (ಚಲನಚಿತ್ರ, ಟೆಲಿವಿಷನ್) ಇದ್ದಕ್ಕಿದ್ದಂತೆಯೇ ದೃಶ್ಯಾಂತರಿಸು; ಒಂದು ದೃಶ್ಯದಿಂದ ಇನ್ನೊಂದಕ್ಕೆ ಜಿಗಿ, ಹಾರಿಹೋಗು.
- (ಅಶಿಷ್ಟ) ಓಡಿಹೋಗು; ಪಲಾಯನಮಾಡು.
- ಬಿರುಸಿನಿಂದ ಹೋಗು; ಶೀಘ್ರವಾಗಿ, ಅವಸರವಸರವಾಗಿ, ಸರಸರನೆ–ಹೋಗು.
- (ಯಾವುದೇ ಒಂದರ ಮೂಲಕ ಯಾ ಅಡ್ಡವಾಗಿ) ತೂರು; ನುಸುಳು; ಹಾಯು; ಹಾದುಹೋಗು; ಮುಖ್ಯವಾಗಿ ದೂರ ಕಡಿಮೆಮಾಡಲು ನುಗ್ಗಿಕೊಂಡು ಹೋಗು.
- ಮನನೋಯಿಸು; ಎದೆಚುಚ್ಚು; ಮನಸ್ಸನ್ನು–ಇರಿ, ಚುಚ್ಚು, ಗಾಯಗೊಳಿಸು, ಭೇದಿಸು: his criticism cut deep ಅವನ ಟೀಕೆ ತುಂಬ ಮನನೋಯಿಸಿತು.
- ಥಟ್ಟನೆ ಸರಕ್ಕನೆ–ತಿರುಗು, ಹೊರಳು, ವಿಚಲಿಸು; ಇದ್ದಕ್ಕಿದ್ದಂತೆಯೇ ದಿಕ್ಕು ಬದಲಿಸು: we cut to the left to avoid hitting the child ಮಗುವಿಗೆ ತಗಲುವುದನ್ನು ತಪ್ಪಿಸುವುದಕ್ಕಾಗಿ ನಾವು ಥಟ್ಟನೆ ಎಡಕ್ಕೆ ತಿರುಗಿದೆವು.
- (ಎಂಜಿನ್ನು ಯಾ ಯಂತ್ರದ ವಿಷಯದಲ್ಲಿ) ನಿಲ್ಲು; ನಿಂತು ಹೋಗು; ಬಂದ್ ಆಗು; ಕೆಲಸ ನಿಲ್ಲಿಸು.
- (ಪ್ರಾಣಿ, ಮನುಷ್ಯ ಮೊದಲಾದವಕ್ಕೆ ಚಾವಟಿಯಿಂದಲೋ ಎಂಬಂತೆ) ಚಟ್ಟನೆ ಬಾರಿಸು; ಏಟುಕೊಡು; ಬಲವಾಗಿ ಹೊಡೆ; ಪೆಟ್ಟುಕೊಡು.
- ಅಡ್ಡಹಾಯು; ಕತ್ತರಿಸು: two lines cut ಎರಡು ಗೆರೆಗಳು ಕತ್ತರಿಸುತ್ತವೆ.
- ಹಲ್ಲು–ಬರು, ಹುಟ್ಟು: the teeth are cutting ಹಲ್ಲುಗಳು ಬರುತ್ತಿವೆ.
- (ಇಸ್ಪೀಟಾಟದಲ್ಲಿ ಎಲೆಯನ್ನು ಕಟ್ಟಿನಿಂದ) ಥಟ್ಟನೆ ತೆಗೆ.
- (ಕುದುರೆಯ ವಿಷಯದಲ್ಲಿ) ಒಂದು ಕಾಲನ್ನು ಮತ್ತೊಂದಕ್ಕೆ ಹೊಡೆ , ತಾಗಿಸು.
- (ಕ್ರಿಕೆಟ್) (ಚೆಂಡಿನ ವಿಷಯದಲ್ಲಿ) ಹೊರಳು; ನೆಲಕ್ಕೆ ತಾಗಿದ ಮೇಲೆ ಆದ ಥಟ್ಟನೆಯ ತಿರುಗು.
- (ಚಲನಚಿತ್ರ) ಪರಿಷ್ಕರಿಸು; ತಿದ್ದು; ಬೇಡದ ಭಾಗವನ್ನು ಕತ್ತರಿಸಿ ಮರುಜೋಡಿಸಿ ಸಂಪಾದಿಸು.
- (ಚಲನಚಿತ್ರ) ಚಿತ್ರೀಕರಣ ನಿಂತು ಹೋಗು; ಕ್ಯಾಮರಗಳು ಬಂದಾಗು.
- ಕೊರೆ; ಬಿಗಿ; ಹಿಡಿ: coat cuts at the armpits ಕೋಟು ಕಂಕುಳಲ್ಲಿ ಬಿಗಿಯುತ್ತದೆ.
ಪದಗುಚ್ಛ
- cut across
- ಅಡ್ಡಹಾಯಿ; ಒಳದಾರಿ ಹಿಡಿ; ಕಡಿಮೆ ದೂರದ ನೇರದಾರಿಯಲ್ಲಿ ಹೋಗು.
- (ರೂಪಕವಾಗಿ) (ಸಾಮಾನ್ಯ ಮಿತಿಯನ್ನು) ಮೀರು; ದಾಟು; ದಾಟಿಹೋಗು.
- cut adrift ಸಂಬಂಧ ಕಳೆದುಕೊ; ಸಂಪರ್ಕ ಕಡಿದುಕೊ; ಸ್ವತಂತ್ರನಾಗು; ದೂರವಾಗು.
- cut a figure (ನಿರ್ದಿಷ್ಟ ರೀತಿಯ) ಪ್ರಭಾವ, ಪರಿಣಾಮ–ಬೀರು.
- cut and run
- ಥಟ್ಟನೆ ಓಡಿಹೋಗು; ಕಂಬಿಕೀಳು; ಪಲಾಯನ ಮಾಡು.
- ನೌಕೆ ಅಪಾಯಕ್ಕೆ ಗುರಿಯಾದಾಗ ಲಂಗರನ್ನು ಕತ್ತರಿಸಿ ಯಾನವನ್ನು ಆರಂಭಿಸು.
- cut away
- ಓಡಿಹೋಗು.
- ಮರ, ದಾರು ಮೊದಲಾದವನ್ನು ಪೂರ್ತಿ ಕತ್ತರಿಸಿ ತೆಗೆದುಹಾಕು.
- cut down (ರೂಪಕವಾಗಿ) (ಖರ್ಚು ಮೊದಲಾದುವನ್ನು)
- ಕಡಿಮೆ ಮಾಡು; ಕೋತ ಮಾಡು; ವೆಚ್ಚ–ಇಳಿಸು, ತಗ್ಗಿಸು.
- (ಮರ ಮೊದಲಾದವನ್ನು) ಕಡಿದು ಬೀಳಿಸು; ಹೊಡೆದು ಕೆಡಹು; ತುಂಡರಿಸು; ಕತ್ತರಿಸಿ ಹಾಕು.
- (ಕತ್ತಿ, ರೋಗ, ಬಿರುಗಾಳಿ ಮೊದಲಾದವು) ನಾಶಮಾಡು; ಹಾನಿಯುಂಟುಮಾಡು; ಸಾಯಿಸು; ಕೊಲ್ಲು.
- ಉಡುಪನ್ನು ಸಣ್ಣದು ಮಾಡು, ಕಿರಿದಾಗಿಸು ಯಾ ಪುನಃ ಹೊಲಿ ಯಾ ತಯಾರಿಸು.
- cut in
- ಥಟ್ಟನೆ–ಒಳಹೊಗು, ನುಸುಳು, ಸೇರಿಕೊ, ನುಗ್ಗು.
- (ಇಸ್ಪೀಟು ಆಟದಲ್ಲಿ ಎಲೆಯನ್ನು ಹಂಚಿ) ಆಟದಿಂದ ಹೊರಬಿದ್ದವನ ಸ್ಥಾನದಲ್ಲಿ ಆಟಕ್ಕೆ ಸೇರಿಕೊ.
- (ಮಾತುಕತೆಯ) ಮಧ್ಯೆ ಪ್ರವೇಶಿಸು; ನಡುವೆ ಬಾಯಿಹಾಕು.
- ಬೇರೊಬ್ಬನ ನೃತ್ಯಸಂಗಾತಿಯನ್ನು ಹಿಡಿ, ಆರಿಸಿಕೊ; ಒಂದು ನರ್ತನಜೋಡಿಯನ್ನು ಬೇರ್ಪಡಿಸಿ ಆ ಹೆಂಗಸನ್ನು ತನ್ನ ನೃತ್ಯಸಂಗಾತಿಯನ್ನಾಗಿ ಮಾಡಿಕೊ.
- ಮುಂದೆ ಇರುವ ವಾಹನವನ್ನು ಹಿಂದೆ ಹಾಕಿ ಬಹಳ ಬೇಗ ಅದರ ಮುಂದೆ ಬಂದು ಆ ವಾಹನಕ್ಕೆ–ತಡೆಯೊಡ್ಡು, ಅಡಚಣೆಯುಂಟುಮಾಡು.
- (ವಿದ್ಯುನ್ಮಂಡಲದಲ್ಲಿ ವಿದ್ಯುತ್ ಸಲಕರಣೆಯನ್ನು) ಜೋಡಿಸು; ಸೇರಿಸು; ಸಂಂಧ ಕಲ್ಪಿಸು.
- (ವ್ಯಕ್ತಿಗೆ) ಲಾಭ ಮೊದಲಾದವುಗಳಲ್ಲಿ ಪಾಲು ಕೊಡು.
- cut of
- ಕತ್ತರಿಸಿಬಿಡು; ಕತ್ತರಿಸಿ ಹಾಕು; ಕಡಿದು ಬೇರ್ಪಡಿಸು.
- ಥಟ್ಟನೆ ಕೊನೆಗೊಳಿಸು; ಹಠಾತ್ತಾಗಿ ಮುಗಿಸು; ಇದ್ದಕ್ಕಿದ್ದಂತೆ ಅಂತ್ಯಗೊಳಿಸು.
- ಹಠಾತ್ತಾಗಿ (ಮುಖ್ಯವಾಗಿ ಕಾಲಕ್ಕೆ ಮೊದಲೇ) ಸಾಯಿಸು, ಮರಣ ತರು.
- (ಸರಬರಾಜು, ಸಂಪರ್ಕಗಳಿಗೆ) ಅಡ್ಡಿಪಡಿಸು; ತಡೆಯೊಡ್ಡು; (ಅವನ್ನು) ತಡೆ.
- (ಪ್ರವಾಹವನ್ನು, ಹರಿವನ್ನು) ನಿಲ್ಲಿಸು; ತಡೆ.
- (ಪ್ರವೇಶ, ಪ್ರಾಪ್ತಿ,ಮೊದಲಾದವುಗಳಿಂದ) ಹೊರಗಿಡು; ತಪ್ಪಿಸು: cut off with a shilling ವಾರಸು ತಪ್ಪಿಸು; ಉತ್ತರಾಧಿಕಾರ ತಪ್ಪಿಸು; ಅಸಂತುಷ್ಟಿ ಮೊದಲಾದವನ್ನು ವ್ಯಕ್ತಪಡಿಸಲು ವ್ಯಕ್ತಿಗೆ ಆಸ್ತಿಯ ಒಂದು ಜುಜುಬಿ ಷಿಲಿಂಗನ್ನು ಬಿಟ್ಟುಹೋಗುವುದರ ಮೂಲಕ ಹಕ್ಕು ತಪ್ಪಿಸು.
- cut out
- (ಪತ್ರಿಕೆ ಮೊದಲಾದವುಗಳಿಂದ ಲೇಖನ ಮೊದಲಾದವನ್ನು) ಕತ್ತರಿಸಿಕೊ; ಕತ್ತರಿಸಿ ತೆಗೆ; ತೆಗೆದುಹಾಕು.
- (ಅಶಿಷ್ಟ) (ಯಾವುದೇ ಕೆಲಸವನ್ನು ಯಾ ಯಾವುದನ್ನೇ ಉಪಯೋಗಿಸುವುದನ್ನು) ನಿಲ್ಲಿಸು; ಸಾಕು ಮಾಡು.
- (ಪುಸ್ತಕ, ಭಾಷಣ ಮೊದಲಾದವುಗಳಲ್ಲಿ ವಿವರ, ಭಾಗ ಮೊದಲಾದವುಗಳನ್ನು) ಬಿಟ್ಟುಬಿಡು; ತೆಗೆದುಹಾಕು; ಕತ್ತರಿಸು.
- (ರೂಪಕವಾಗಿ) (ಪ್ರತಿಸ್ಪರ್ಧಿಯನ್ನು) ಮೀರು; ಮೀರಿಸು; ಹಿಂದಕ್ಕೆ ಹಾಕು; ಮೇಲುಗೈ ಹೊಂದು.
- (ರೂಪಕವಾಗಿ) (ಪ್ರತಿಸ್ಪರ್ಧಿಯನ್ನು) ಉರುಳಿಸು; (ಅವನ ಸ್ಥಾನ) ಆಕ್ರಮಿಸು.
- (ಸಾಮಾನ್ಯವಾಗಿ ಕರ್ಮಣಿಪ್ರಯೋಗದಲ್ಲಿ) (ಒಂದು ಕೆಲಸ, ಸ್ಥಾನ ಮೊದಲಾದವುಗಳಿಗೆ) ಸ್ವಭಾವತಃ ಯೋಗ್ಯವಾಗಿರು; ಅರ್ಹವಾಗಿರು; ತಕ್ಕವನಾಗಿರು; ತಕ್ಕದ್ದಾಗಿರು: he was cut out to be a teacher ಸ್ವಭಾವದಿಂದಲೇ ಅವನು ಉಪಾಧ್ಯಾಯವೃತ್ತಿಗೆ ಅರ್ಹನಾಗಿದ್ದಾನೆ.
- (ರೂಪಕವಾಗಿ ಸಹ) (ಕೆಲಸಕ್ಕೆ) ರೂಪಿಸು; ವ್ಯವಸ್ಥೆ ಮಾಡು; ಯೋಜನೆ ಮಾಡು; ಸಿದ್ಧಪಡಿಸು: have one’s work cut out for him ಒಬ್ಬನಿಗೆ ಯೋಗ್ಯವಾದ ಕೆಲಸ ರೂಪಿತವಾಗಿರು.
- (ಕತ್ತರಿಸಿ) (ಉಡುಪಿಗೆ) ರೂಪು, ಆಕಾರ–ಕೊಡು, ಅಳವಡಿಸು.
- (ಮೋಟಾರುವಾಹನ ಮೊದಲಾದವುಗಳ ವಿಷಯದಲ್ಲಿ) ಹೋಗುತ್ತಿರುವ ಹಾದಿಯಿಂದ ಇದ್ದಕ್ಕಿದ್ದಂತೆಯೇ ಪಕ್ಕಕ್ಕೆ ಬರು, ತಿರುಗು.
- (ಅಮೆರಿಕನ್ ಪ್ರಯೋಗ) (ಪ್ರಾಣಿಯನ್ನು) ಗುಂಪಿನಿಂದ ಬೇರ್ಪಡಿಸು; ಪ್ರತ್ಯೇಕಿಸು; ಮಂದೆ, ಹಿಂಡು–ತಪ್ಪಿಸು.
- ತೋಡು; ಅಗೆದು ಹೊರದೆಗೆ; ಭೂಶೋಧನೆ ಮಾಡು.
- ಕೊರೆ; ಕೆತ್ತು; ರೂಪಿಸು; ಸವೆಸುವುದರಿಂದ ಆಕಾರ ಕೊಡು: valleys cut out by swift rivers ವೇಗವಾಗಿ ಹರಿಯುವ ನದಿಗಳಿಂದ ತೋಡಲ್ಪಟ್ಟ ಕಣಿವೆಗಳು.
- (ಅಶಿಷ್ಟ) ಇದ್ದಕ್ಕಿದ್ದಂತೆ, ಥಟ್ಟನೆ–ಹೊರಟುಹೋಗು.
- ಕಾರ್ಯ ಮಾಡದಿರು; ಕೆಲಸ ನಿಲ್ಲಿಸು; ಸ್ಥಗಿತಗೊಳ್ಳು; ನಿಷ್ಕ್ರಿಯವಾಗು.
- (ಯಾವುದಾದರೂ ಕೆಲಸವನ್ನು) ನಿಲ್ಲುವಂತೆ ಮಾಡು; ಸ್ಥಗಿತಗೊಳಿಸು; ಕಾರ್ಯ ಮಾಡದಿರುವಂತೆ ಮಾಡು.
- (ತಪ್ಪಿಸಿಕೊಳ್ಳಲು ಅವಕಾಶ ಕೊಡದೆ) ಶತ್ರುವಿನ ಹಡಗನ್ನು–ವಶಪಡಿಸಿಕೊ, ಹಿಡಿದುಕೊ, ಆಕ್ರಮಿಸು.
- (ಇಸ್ಪೀಟಾಟದಲ್ಲಿ) ತಪ್ಪು ಎಲೆಯನ್ನು ತೆಗೆಯುವುದರಿಂದ ಆಟದಿಂದ ಹೊರಬೀಳು.
- cut short
- ತಡೆ; ಅಡ್ಡಬರು; ನಡುವೆ, ಮಧ್ಯೆ–ಬರು.
- (ರೂಪಕವಾಗಿ ಸಹ) ಮೋಟುಗೊಳಿಸು; ಕತ್ತರಿಸಿ ಚಿಕ್ಕದು ಮಾಡು.
- ಮೊಟಕುಗೊಳಿಸು; (ಕಾಲಕ್ಕೆ ಮೊದಲೇ) ನಿಲ್ಲಿಸು; ಮುಗಿಸು; ಕೊನೆಗೊಳಿಸು; ಅಂತ್ಯಗೊಳಿಸು; ಮುಕ್ತಾಯಮಾಡು: illness cut short his career ಕಾಯಿಲೆ ಅವನ ವೃತ್ತಿಜೀವನವನ್ನು ಕೊನೆಗೊಳಿಸಿತು.
- cut (the) record (ಓಟದ ಪಂದ್ಯ ಮೊದಲಾದವುಗಳಲ್ಲಿ ಹಿಂದಿನ) ದಾಖಲೆ ಮುರಿ; ಮೀರಿಸು; ದಾಖಲೆ ಮುರಿದು ವಿಕ್ರಮ ಸಾಧಿಸು.
- cut under (ವ್ಯಾಪಾರದಲ್ಲಿ) ಇತರರಿಗಿಂತ ಕಡಿಮೆ ಬೆಲೆಯಲ್ಲಿ ಮಾರು.
- cut up
- ತುಂಡರಿಸು; ಚೂರುಚೂರಾಗಿ ಕತ್ತರಿಸು; ತುಂಡುತುಂಡು ಮಾಡು; ಸೀಳುಸೀಳು ಮಾಡು;
- ಪೂರ್ತಿಯಾಗಿ ನಾಶಮಾಡು; ಹಾಳು ಮಾಡು; ನಿರ್ಮೂಲಮಾಡು.
- (ರೂಪಕವಾಗಿ) ಕಟುವಾಗಿ ಟೀಕಿಸು; ನಿಷ್ಠುರವಾಗಿ ವಿಮರ್ಶೆ ಮಾಡು.
- (ಸಾಮಾನ್ಯವಾಗಿ ಕರ್ಮಣಿಪ್ರಯೋಗದಲ್ಲಿ) ಮನಸ್ಸನ್ನು ಕೊರೆ; ಕುಟುಕು; ವ್ಯಥೆಗೊಳಿಸು.
- (ಅಮೆರಿಕನ್ ಪ್ರಯೋಗ) ತಮಾಷೆಯಾಗಿ, ಸ್ವಚ್ಛಂದವಾಗಿ, ಅಡೆತಡೆಯಿಲ್ಲದೆ–ವರ್ತಿಸು, ನಡೆದುಕೊ.
- will not cut (ಚಾಕು ಮೊದಲಾದವುಗಳ ವಿಷಯದಲ್ಲಿ) ಮೊಂಡಾಗಿರು; ಕತ್ತರಿಸದಿರು.
ನುಡಿಗಟ್ಟು
- cut a 2caper.
- cut a dash ದುಂದು ಮಾಡಿ ಎಲ್ಲರ ಕಣ್ಣನ್ನೂ ಸೆಳೆ.
- cut a feather (ಹಡಗಿನ ವಿಷಯದಲ್ಲಿ) ಕಡಲ ನೀರು ಬಗೆದು ಎರಡು ಪಕ್ಕದಲ್ಲೂ ಗರಿಗಳಾಕಾರದ ನೊರೆ ಎಬ್ಬಿಸು.
- cut a loss ನಷ್ಟದ ವ್ಯಾಪಾರ, ಉದ್ಯಮ, ಯೋಜನೆ, ಮೊದಲಾದವನ್ನು ಸಕಾಲದಲ್ಲಿ ಯಾ ಬಹಳ ನಷ್ಟವಾಗುವುದಕ್ಕೆ ಮೊದಲು ಬಿಟ್ಟುಬಿಡು.
- cut a rusty ಬುದ್ಧಿವಂತನಾಗಿರು, ಕಣ್ಣಿಗೆ ಬೀಳುವಂತಿರು ಯಾ ಗಮನ ಸೆಳೆಯುವಂತಿರು.
- cut (a) corner (ವಿವರಗಳಿಗೆ, ನಿಯಮಗಳಿಗೆ ಗಮನ ಕೊಡದೆ) ಆದಷ್ಟು ಅಗ್ಗವಾಗಿ ಯಾ ಸುಲಭವಾಗಿ ಮತ್ತು ಬೇಗನೆ ಕೆಲಸ ಮಾಡು.
- cut down to $^1$size.
- cut flush (ಪುಸ್ತಕದ ಅಂಚುಗಳನ್ನು, ರಟ್ಟುಗಳನ್ನು) ಹತ್ತ ಕತ್ತರಿಸು; ಒಂದೇ ಗಾತ್ರಕ್ಕೆ ಬರುವಂತೆ ಕತ್ತರಿಸು.
- cut (it) fine
- (ಆಡುಮಾತು) (ಮುಖ್ಯವಾಗಿ ಕಾಲದ ವಿಷಯದಲ್ಲಿ) ಅತಿಲೆಕ್ಕಾಚಾರ ಮಾಡು; ಆಚೆ ಈಚೆ ಕೈ ಆಡಿಸಲು ಅವಕಾಶವಿಲ್ಲದಷ್ಟು ನಿಖರವಾಗಿರು.
- ಬಹಳ ಲೆಕ್ಕಾಚಾರದಿಂದಿರು.
- cut loose
- (ಹಿಡಿತ, ಸಂಪರ್ಕ, ಬಂಧನಗಳಿಂದ) ಬಿಡಿಸು; ಬಿಡಿಸಿಕೊ.
- (ಪ್ರಭಾವ, ನಿಯಂತ್ರಣ, ಹತೋಟಿ, ದಾಸ್ಯ, ಪರಾಧೀನತೆಗಳಿಂದ) ಬಿಡಿಸಿಕೊ; ಕಳಚಿಕೊ; ಸ್ವತಂತ್ರವಾಗು.
- ಹಿಡಿತವಿಲ್ಲದೆ ವರ್ತಿಸು; ಇಚ್ಛೆ ಬಂದಂತೆ ಆಡು; ಸಿಕ್ಕಿದಂತೆ ಆಡು; ಹುಚ್ಚಾಪಟ್ಟೆ ವರ್ತಿಸು.
- cut one dead ನೋಡಿದರೂ ನೋಡದಂತೆ ವರ್ತಿಸು; ಗುರುತಿದ್ದರೂ ಇಲ್ಲದವನಂತೆ ನಡೆದುಕೊ; ಅಪರಿಚಿತನಂತೆ ನಡೆದುಕೊ.
- cut (one’s) coat according to (one’s) cloth.
- cut one’s eye ಓರಿಗಣ್ಣಿನಿಂದ ನೋಡು; ಕಡೆಗಣ್ಣಿನಿಂದ ದೃಷ್ಟಿಬೀರು.
- cut one’s eye-teeth (or wisdom teeth) ಬುದ್ಧಿಕಲಿ; ಬುದ್ಧಿ–ಬರು, ಬೆಳೆ: ಸೂಕ್ಷ್ಮ ತಿಳಿವಳಿಕೆ, ಜ್ಞಾನ–ಪಡೆ; ವಿವೇಕ ಸಂಪಾದಿಸು.
- cut one’s losses = ನುಡಿಗಟ್ಟು \((4)\).
- cut one’s lucky (ಆಡುಮಾತು) ಓಡಿಹೋಗು; ತಪ್ಪಿಸಿಕೊಂಡು ಹೋಗು; ಓಟಕೀಳು; ಪಲಾಯನ ಮಾಡು; ಕಂಬಿ ಕೀಳು.
- cut one’s stick = ನುಡಿಗಟ್ಟು \((16)\).
- cut one’s teeth (or eye-teeth) on
- (ಉದ್ಯೋಗ ಮೊದಲಾದವನ್ನು) ಆರಂಭಿಸು; ಕೆಲಸ ಕಲಿ; ಕೆಲಸ ಮಾಡತೊಡಗು.
- ಅನುಭವ ಗಳಿಸು; ಕೌಶಲ ಸಂಪಾದಿಸು.
- ಚಿಕ್ಕವನಾಗಿರುವಾಗಲೇ ಕಲಿಯತೊಡಗು.
- cut one’s throat ಕುತ್ತಿಗೆ ಕೊಯ್ಯಿ; (ಸರಿಪಡಿಸಲಾಗದಷ್ಟು) ಹಾನಿಯುಂಟುಮಾಡು; ನಾಶಮಾಡು; ಹಾಳುಮಾಡು.
- cuts both ways
- ಒಳ್ಳೆಯ ಹಾಗೂ ಕೆಟ್ಟ ಎರಡೂ ಪರಿಣಾಮಗಳಿಂದ ಕೂಡಿರುತ್ತದೆ: this action cuts both ways
- ಈ ಕಾರ್ಯಕ್ರಮದಿಂದ ಅನುಕೂಲವೂ ಇದೆ, ಅನನುಕೂಲವು ಇದೆ.
- ಎರಡೂ ಕಡೆಗೆ ಸಹಾಯಕವಾಗಿದೆ, ಪೋಷಕವಾಗಿದೆ: the argument cuts both ways ವಾದ ಎರಡೂ ಕಡೆಗೆ ತಟ್ಟುತ್ತದೆ, ಸಹಾಯಕವಾಗಿದೆ.
- cuts no ice (ಅಶಿಷ್ಟ)
- ಪ್ರಯೋಜನಕಾರಿಯಾಗದಿರು; ಪ್ರಭಾವ ಬೀರದಿರು; ಪ್ರಾಮುಖ್ಯವಿಲ್ಲದಿರು.
- ಏನನ್ನೂ ಸಾಧಿಸದಿರು; ವ್ಯರ್ಥವಾಗು.
- cut stick = ನುಡಿಗಟ್ಟು \((16)\).
- cut the buck ಚುರುಕಾಗಿ, ಚೆನ್ನಾಗಿ, ದಕ್ಷತೆಯಿಂದ–ಕೆಲಸ ಮಾಡು.
- cut the Gordian knot ಕಗ್ಗಂಟು ಬಿಡಿಸು; ಬಿಡಿಸಲಾಗದ ಸಮಸ್ಯೆಯನ್ನು ಬಲಪ್ರಯೋಗದಿಂದ ಯಾ ನಿಯಮಗಳನ್ನು ಮುರಿದು ಪರಿಹರಿಸು, ಬಿಡಿಸು.
- cut the ground from under ಆಧಾರವಿಲ್ಲದಂತೆ ಮಾಡು; ನಿರಾಧಾರಗೊಳಿಸು; ಬುನಾದಿಯನ್ನೇ ಆಲುಗಾಡಿಸು; ವಾದ, ಯೋಜನೆ ಮೊದಲಾದವುಗಳನ್ನು ಮೊದಲೇ ಊಹಿಸಿ ನಾಶಗೊಳಿಸು.
- cut the knot ಗಂಟನ್ನು ಕತ್ತರಿಸು; (ಸಮಯಕ್ಕೆ ತಕ್ಕ ಚಾತುರ್ಯದಿಂದ, ಯುಕ್ತಿಯಿಂದ, ಅಕ್ರಮವಾದರೂ ಸಮರ್ಥವಾಗಿ) ಸಮಸ್ಯೆಯನ್ನು ಬಿಡಿಸು, ಪರಿಹರಿಸು.
- cut the mustard (ಅಶಿಷ್ಟ) ಯಶಸ್ವಿಯಾಗಲು ಅಗತ್ಯವಾದ ಮಟ್ಟ ಯಾ ದಕ್ಷತೆ–ಗಳಿಸು, ಸಂಪಾದಿಸು.
- cut the muster = ನುಡಿಗಟ್ಟು \((27)\).
- cut to pieces (ಶತ್ರು ಮೊದಲಾದವರನ್ನು) ತಲೆಯೆತ್ತದಂತೆ ಮಾಡು; ಮಟ್ಟಹಾಕು; ಸದೆಬಡಿ; ಬಲಿಹಾಕು; ನಿರ್ಮೂಲ ಮಾಡು.
- cut to the bone ಆದಷ್ಟು ಕಡಿಮೆ ಮಾಡು; ಅನಗತ್ಯ, ಹೆಚ್ಚಾದದ್ದು ಎಂಬುದನ್ನೆಲ್ಲಾ ತೆಗೆದುಹಾಕಿ ಕನಿಷ್ಠ ಮಾತ್ರಕ್ಕೆ ಇಳಿಸು.
- cut to the quick ಮನನೋಯಿಸು; ಚುಚ್ಚು.
- cut up bad, nasty, rough ಅಸಂತೋಷ ತೋರಿಸು; ಅಸಮಾಧಾನಗೊಳ್ಳು; ಬೇಸರ ತೋರಿಸು.
- cut up touches ಲಘು ಹರಟೆ ಹೊಡೆ; ಹರಟೆ ಹೊಡೆ; ಅದು, ಇದು ಮಾತಾಡು; ಲೋಕಾಭಿರಾಮವಾಗಿ ಮಾತಾಡು.
- cut up well (ಅಶಿಷ್ಟ) ಭಾರಿ ಆಸ್ತಿ ಯಾ ಸಂಪತ್ತನ್ನು ಬಿಟ್ಟು ಹೋಗು.
- cut ice ತೂಕ, ಪ್ರಭಾವ ಯಾ ಪ್ರಾಮುಖ್ಯ ಹೊಂದಿರು.