1. (ಬಾಗಿಲು, ಮುಚ್ಚಳ, ಮೊದಲಾದವನ್ನು ಭದ್ರವಾಗಿ ಮುಚ್ಚುವ, ಬೀಗದ ಕೈ ಯಾ ನಿರ್ದಿಷ್ಟ ಚಲನೆಗಳ ಸಂಯೋಜನೆಯಿಂದ ತೆಗೆಯಬಹುದಾದ) ಬೀಗ; ಕೀಲಿ; ಲಾಕು.
2. (ನೀರು) ಮಟ್ಟಕಟ್ಟೆ; ಜಲಬಂಧ; ನೀರು ಏರಿಳಿಕೆ ಕಟ್ಟೆ; ಕಾಲುವೆಯ ಆ ನದಿಯ ಮೂಲಕ ದೋಣಿಯನ್ನು ಯಾ ಹಡಗನ್ನು ಒಯ್ಯುವಾಗ ವಿವಿಧ ಹಂತಗಳಲ್ಲಿ ನೀರಿನ ಮಟ್ಟವನ್ನು ಏರಿಳಿಸುವಂತೆ ಅಲ್ಲಲ್ಲಿ ತೂಬು ಬಾಗಿಲುಗಳನ್ನಿಟ್ಟಿರುವ ಕಟ್ಟೆ, ವಿಭಾಗ.
3. ಮುಂಚಕ್ರ ತಿರುಗಣೆ; ಚಲನೆಯ ದಿಕ್ಕನ್ನು ಬದಲಾಯಿಸಲು ವಾಹನದ ಮುಂಚಕ್ರಗಳನ್ನು ತಿರುಗಿಸುವುದು.
4. ತಿರುಗೋರೆ; ತಿರುಗುವಾಸಿ; ವಾಹನದ ಮುಂದಿನ ಚಕ್ರಗಳು ತಿರುಗುವಾಗ ಹಿಂದಿನ ಚಕ್ರಗಳ ಸಮತಲದಿಂದ ಎಷ್ಟು ಓರೆಯಾಗಬಹುದೋ ಆ ಪ್ರಮಾಣ.
5. ತೆಕ್ಕೆತೊಡರು; ಅಂತರ ತೆಕ್ಕೆ; ಪರಸ್ಪರ ಬಂಧ; ಚಲನೆ ಸಾಧ್ಯವಿಲ್ಲದಂತೆ ಒಂದರೊಡನೆ ಇನ್ನೊಂದು ತೊಡರಿಕೊಂಡಿರುವುದು ಯಾ ಒಂದಕ್ಕೊಂದು ತಡೆಯಾಗಿರುವುದು (ಉದಾಹರಣೆಗೆ ರಸ್ತೆಯಲ್ಲಿ ವಾಹನಗಳ ಸಾಲುಗಳ ಕಿಕ್ಕಿರಿತ).
6. (ಕುಸ್ತಿಯಲ್ಲಿ) ಬೀಗದ ಪಟ್ಟು; ಎದುರಾಳಿಯ ಅಂಗವನ್ನು ಚಲಿಸಿದಂತೆ ಹಿಡಿದಿಡುವ ಹಿಡಿತ.
7. (ರಗ್ಬಿ ಕಾಲ್ಚೆಂಡಾಟ) ನೂಕಾಟದ ಎರಡನೆಯ ಸಾಲಿನಲ್ಲಿರುವ ಆಟಗಾರ.
8. ಚಕ್ರಬೀಗ; ಚಕ್ರದ ಯಾ ಗಾಲಿಯ ತಡೆ; ಚಕ್ರವನ್ನು ಸುತ್ತದಂತೆ ನಿಲ್ಲಿಸುವ ಬಿರಿ ಯಾ ಸಲಕರಣೆ.
9. (ಬಂದೂಕಿನ) ಚಾಪು; ಕುದುರೆ; ಮದ್ದುಗುಂಡನ್ನು ಸಿಡಿಸುವ ಕೀಲು.
10. = airlock(2).
11. ಬಂಧಕ – ಸಂಪುಟ, ಕೋಷ್ಠ; ಯಾವುದೇ ಯಂತ್ರ ವ್ಯವಸ್ಥೆಯಲ್ಲಿ ಇರಬಹುದಾದ ಅಧಿಕ ಒತ್ತಡದ ಯಾ ನಿರ್ವಾತ ಪ್ರದೇಶಕ್ಕೆ ಪ್ರವೇಶಿಸುವ ಯಾ ಅಲ್ಲಿಂದ ಹೊರ ಬರುವ ಮಾರ್ಗದಲ್ಲಿ ಉಪಕೋಷ್ಠವಾಗಿ ಅಳವಡಿಸಿರುವ ವಾಯುಸಂಪುಟ.
12. (ಬ್ರಿಟಿಷ್‍ ಪ್ರಯೋಗ) ಗುಹ್ಯರೋಗದ ಆಸ್ಪತ್ರೆ; ಮೇಹರೋಗ ಚಿಕಿತ್ಸಾಲಯ.

1. full lock = ¹lock(4).
2. under lock and key ಸುಭದ್ರವಾಗಿ ಬೀಗಹಾಕಿ ಇಟ್ಟಿರುವ.

lock, stock, and barrel (ಒಂದು ವಸ್ತುವಿನ) ಇಡೀ; ಪೂರ್ತಿ; ಸಂಪೂರ್ಣ.